Hatangijwe utumashini tugabanya umuvuduko mu modoka, uzakica azafatwa nk’umwicanyi

8

Polisi y’igihugu yatangije imashini izajya irinda ibinyabiziga bitwara abantu mu buryo rusange kugendera ku muvuduko urenze ari na wo wabaga imbarutso y’impanuka zahitanaga imbaga.

Aka kamashine kiswe akagabanyamuvuduko katangijwe ku mugaragaro ngo gakoreshwe n’imodoka zitwara abantu n’ibintu mu buryo bwa rusange.

Aka kamashini kazajya gashyirwa mu madoka ngo kagenzure umuvuduko ikoresha.

CP George Rumanzi, Umuyobozi wa polisi ishinzwe umutekano wo mu muhanda avuga ko ibisabwa byose byakozwe ngo utu tumashini dutangire gukoreshwa.

Ati: "Ibisabwa byose byarakozwe yaba amahurwa yo kugirango bashyiremo izi mashini mu modoka, hari n’amamodoka amaze gushyirwamo.”

Umunyamabanga wa Leta ushinzwe gutwara abantu n’ibintu muri Minisiteri y’ibikorwa remeza, Dr Nzahabwanimana Alexis avuga ko iyi mashini yashyizweho ngo irinde umuvuduko mwishi kuko ari wo wateraga impanuka zahitanaga abantu benshi.’

Ati: "Ni ukugirango duhangane n’imwe mu mpamvu ikomeye cyane kurusha izindi mu bijyane n’ibiteza impanuka zica abantu. Impanuka zica abantu benshi, abenshi bapfa izo mpanuka ziba zatewe n’umuvuduko mwishi urengeje uwagenwe.”

Avuga ko amarenga y’abashoferi bakora babwirana aho abapolisi bahagaze agiye kubonerwa igisubizo bitewe n’uko aka kamashini kazajya gatanga amakuru yose kuko hataboneka abapolisi bajya kuri buri metero 100.

Dr Nzahabwanimana avuga ko umuntu uzagerageza kwica aka kamashine azafatwa nk’umwicanyi wabikoze yabigambiriye.

Ati:”Kukica ubwabyo ni icyaha ubwo uba watekereje kwica abantu ukagenda ukakangiza ku bushake, icyo gihe abantu bagize icyo baba tugasanga wabikoreye ubwende ukakangiza birumvikana ko hari ikosa ryo kutubahiriza amategeko yo mu muhanda. Hazaba hari n’ubushake bwo guhitana abantu, ubwo rero polisi izajya ireba neza uko ibyo byaba bikurikirana.”

Dr Nzahabwanimana yavuze ko iyo Leta igeze igihe cyo gufata ibyemezo nk’ibi iba yaragerageje ubundi buryo bushoboka igasanga butari gutanga umusaruro

Tariki ya 26 Gashyantare 2015 ni bwo iteka rya Perezida wa Repubulika ryashyizeho ikoreshwa ry’aka kamashini, kugeza ubu hari hagikorwa ubugenzuzi ku mikorere y’ako. Aka kamashini gateganya ko imodoka zitwara abantu n’ibintu mu buryo rusange zitagomba kurenza umuvuduko wa kilometero 60 ku isaha (60km/h)

Yisangize Inshuti.

Ibitekerezo 8

  1. Polisi nayo amande yijyiza muri RVA azagabanyuka!bizagabanya impanuka ariko ntibyabuza kohabaho impanuka.Ni byiza ndabishyi gikiye,ariko bazarebe imodoka zirya hanze ho hari imihanda itari mu misozi abanyalahanga baturya muri transport.OK

  2. Police Ndabashyigikiye,izomashinezarizikenewecyaneturabashimiyekubamugiyegukumira Impanukazaburimunsiwenda Abashoferibakwikosorakumuvuduko Thankx.

  3. Police Ndabashyigikiye,izomashinezarizikenewecyaneturabashimiyekubamugiyegukumira Impanukazaburimunsiwenda Abashoferibakwikosorakumuvuduko Thankx.

  4. nonese ako kuma gashobora guhagarika imodoka yabuze feri ? ingero za kicukiro na nyabugogo ntibizongere kuba aho ibi camions byangije ibintu bigatwara nubuzima bwabantu.

  5. aka kamashini polisi yazanye ni keza kabisa wenda impanuka zagabanuka. gusa ndumva bikwiye kuba itegeko utu tumashine tugashyirwa mu ma modoka yose atari izitwara abagenzi gusa.

  6. Twishimiye, utu twuma twashyizwe mu Mamodoka kuko impanuka zaturukaga kumuvuduko ukabije zizagabanuka rwose! Bityo transport ibe nta makemwa, police yacu idahwema kureba icyatuma ubuzima bwacu budahungabana ndabashimiye bakomereze aho.

  7. Akokamashini Nikeza Arikose imodoka Zinyamahanga zikoreramurwanda zo zizajya zigenda uko zishatsezo Cyangwa Nazo tuzajyamo.

Tanga Igitekerezo