Centre Afrique yashyize Miliyoni 160 mu myiteguro yo gutsinda u Rwanda

Ishyirahamwe ry’umupira w’amaguru muri Centre Afrique ryahawe miliyoni 160 z’amasefa (160 FCFA) ngo bategure neza umukino uzahuza iki gihugu n’u Rwanda.

Leta yashyizemo aya mafanranga kugirango bategure neza bazatsinde uyu mukino uzabahuza n’u Rwanda mu marushanwa yo gushaka tike yo kujya mu gikombe cya Afurika kizaba mu mwaka wa 2019. Uyu mukino uteganyijwe kuba tariki ya 11 Kamena 2017.

Muri aya mafaranga harimo uduhimbazamusyi tuzahabwa abakinnyi buri umwe akazahabwa asaga miliyoni imwe n’igice (1,600,000 FCFA) nibaramuka batsinze Amavubi y’u Rwanda.

Ejo kuwa gatatu ni bwo abakinnyi batanu bakina hanze bitezwe kugera mu mwiherero w’ikipe y’igihugu ya Centre Afrique barimo Vianney Mabidé, Salif Keita, Momi, Habibou na Limane Moussa.

Centre Afrique yahamagaye abakinnyi 13 bakina hanze kuko hari abandi 8 bamaze kugera mu myitozo barimo Enzayamissi Eloge, LembetGeoffrey, Anzité Franklin, Youga Amos, Mafouta Louis, Dertin Amores, Foxi Kéthévoama na Zimbori Nicaise.

Abakinnyi bakina imbere mu gihugu umutoza Raoul Savoy yitabaje ni batanu gusa abandi bose bakazaturuka hanze biganjemo abakina mu gihugu cy’Ubufaransa.

Umukino uzahuza u Rwanda na Centre Afrique uzabera mu mujyi wa Banguiari ,umurwa mukuru wa Centre Afrique, ari naho haba ingabo z’u Rwanda zagiye gucunga umutekano no kubungabunga amahoro muri iki gihugu.

Ibi bihugu byombi bihuriye mu itsinda H aho banarikumwe kandi na Cote d’Ivoire na Guinée Conakry

Yisangize Inshuti.

Ibitekerezo

Tanga Igitekerezo