Amateka y’imikino yahuje Rayon Sports na APR FC mu gikombe cy’Amahoro

3

Kuri uyu wa mbere tariki ya 4 hateganyijwe umukino wa nyuma w’igikombe cy’Amahoro uza guhuza ikipe ya APR FC na Rayon Sports umukino uza kubera kuri sitade Amahoro ku isaha ya saa cyenda n’igice.

Amateka agaragaza ko ikipe ya Rayon Sports itajya ibasha APR FC mu gikombe cy’Amahoro.

Twabateguriye amateka y’imikino yagiye aranga aya makipe mu gikombe cy’Amahoro harimo n’imikino 3 bamaze guhura.

Guhera 1995 nyuma yaho igikombe cy’igihugu gihindutse igikombe
cy’amahoro, Rayon Sport na APR bimaze guhura ku mukino wa nyuma
inshuro 3.

Muri 1999: Mu mukino waranzwe n’amahane menshi (bitewe n’amarozi yari aketswe mu izamu rya APR ryari ririnzwe na Muhamud Mossi) nyuma yo kunganya ibitego 2-2 mu gihe gisanzwe Masudi Djuma wakiniraga APR yaje kuyitsindira igitego cya 3 muri Extra Time ndetse umukino uhita urangirira aho (Hari hakiriho Golden Goal, igitego cyatsindwaga mu minota y’inyongera umukino ugahita urangira badategereje ko iminota 30 irangira)

Mu 2002:Nyuma yo gusezerera Les Citadins (As Kigali yubu), Rayon Sport
yaje kwisanga ku mukino wa nyuma ihuye na APR yo yari yasezereye Kiyovu Sport.

APR yatsinze Rayon Sport ibitego 3-1 ndetse umuzamu wa Rayon Sport
Mustaffa Diplomate bimuviramo gusezererwa (aketsweho kurya ruswa)

Muri 2010 :Rayon Sport imaze gusezerera ATRACO yahuye na APR ku mukino wa nyuma w’igikombe cy’Amahoro nanone gusa iza gutsindwa 1-0 ku munota wa 119 gitsinzwe na Patrick Mutesa Mafisango.

Uretse guhurira ku mukino wa nyuma, Rayon Sport na APR muri 2006
byahuriye mu itsinda A, APR itsinda Rayon Sport kuri mpaga 3-0 (Rayon yanze gukina kubera ibibazo yari ifitanye na FERWAFA kubera abakinnyi Saido na Mwalala bari babujijwe gukina kandi Rayon Sports yemeza ko yabaguze byemewe n’amategeko)

2009:Ku mwanya wa gatatu APR yatsinze Rayon Sport 4-2

2012:Muri 1/2 APR yatsinze Rayon Sport 3-1 mu kwishyura banganya 1-1.

Umukino uheruka guhuza aya makipe mu gikombe cy’Amahoro wabaye mu mwaka wa 2014 maze APR FC isezerera Rayon Sports muri kimwe cya kane(1/4) ku bitego 2 -1
Amateka agaragaza ko Rayon Sport nta na rimwe iratsinda APR mu gikombe
cy’Amahoro by’umwihariko ku mukino wa nyuma .

Abakinnyi Gatete Jimmy, Muhamud Mossi na Masudi Djuma babashije
gutwara igikombe cy’Amahoro bakinira aya makipe yombi. Uyu Masudi ubu
akaba ariwe mutoza wa Rayon Sport.

Umutoza Rudasingwa Longin yatoje aya makipe yombi ndetse ayahesha
igikombe cy’Amahoro yose

Ese kuri iyi nshuro ya 4 bigiye guhurira ku mukino wa nyuma amateka arongera
yisubiremo cg Masudi Djuma wabaye muri aya makipe yombi akanayatwaramo
iki gikombe agiye guhindura amateka atsindire APR ku mukino wa nyuma?

Uko amakipe yagiye atwara iki gikombe cy’Amahoro kuva cyabaho

1975 : Kiyovu Sports
1976 : Rayon Sport
1978 : Mukura Victory Sports
1979 : Rayon Sport
1980 : Panthères Noires
1981 : Panthères Noires
1982 : Rayon Sport
1983 : Panthères Noires
1984 : Panthères Noires
1985 : Kiyovu Sports
1986 : Mukura Victory Sports
1987 : Panthères Noires
1988 : Etincelles FC
1989 : Rayon Sport
1990 : Mukura Victory Sports
1992 : Mukura Victory Sports
1993 : Rayon Sport
1995 : Rayon Sport
1997 : Rwanda FC
1998 : Rayon Sport
2001 : Les Citadins FC
2002 : APR FC
2005 : Rayon Sport 3-0 Mukura
2006 : APR FC 3-0 ATRACO FC
2007 : APR FC 2-0 ATRACO FC
2008 : APR FC 4-0 ATRACO FC
2009 : ATRACO FC 1-0 Mukura Victory Sports
2010 : APR FC 1-0 Rayon Sport
2011 : APR FC 4-2 (aet) Police FC
2012 : APR FC 2-1 (aet) Police FC
2013 : AS Kigali 3-0 Muhanga
2014 : APR FC 1-0 Police FC
2015 : Police FC o 1-0 Rayon Sport[1]

Yisangize Inshuti.

Ibitekerezo 3

  1. Uyu Munsi amateka arahinduka kdi apr iratsindwa byinshi Ahubwo muze Tugende twongere umubare wibitego

Tanga Igitekerezo