Masudi na Rayon Sports bakubitiwe i Rusizi imibare iba myinshi

8

Wari umukino ubanza wa 1/2 mu gikombe cy’Amahoro waberaga i Rusizi ikipe ya Espoir yakiriye Rayon Sports. Byari byitezwe ko ikipe ya Rayon Sports itapfa gukura byoroshye amanota 3 kuri kiriya kibuga nk’uko byabaye mu myaka yashize ndetse no kuyandi makipe, ntayijya ipfa kuhabona amanota byoroshye, ahubwo icyatunguranye ni uburyo iyi kipe ya Rayon Sports yahabwaga amahirwe yatsindiwe yo ibitego 2-0.

N’ubwo ikibuga kitari cyiza ku buryo amakipe yakina umupira umupira unogeye ijisho, gusa wabonaga ikipe ya Espoir FC irimo kurusha ikipe ya Rayon Sports byaje no gutuma ku munota wa 13’ Hakundukize Adolphe atsinda igitego ku burangare bwa ba myugariro ba Rayon Sports.

Ku munota wa 40’ kuri koruneri yari itewe na Sadam, Moninga Walusimba yateye mu izamu adahagaritse maze umupira uyoboka mu rushundura.

Iki gice cyaje kurangira ikipe ya Espoir ifite 54% mu guhererekanya umupira Rayon Sports ifite 46, amakipe yombi yanganyaga koruneri 3-3. Ikipe ya Rayon Sports yasoje igice cya mbere nta shoti na rimwe yateye rigana mu izamu, ni mu gihe ayagiye hanze y’izamu ari 3. Ku ruhande rwa Espoir yateye 2 yagannye mu uzamu n’atatu yagiye hanze ya ryo. Espoir yakoze amakosa 3 naho Rayon Sports ikora 7, amakipe yombi akaba yabonye amakarita y’imihondo 1 buri ruhande muri iki gice cya mbere.

Igice cya kabiri cyatangiye ikipe ya Rayon Sports ishaka kwishyura ariko amahirwe babonye ntibayabyaza umusaruro harimo na yo ku munota wa 90 Pierrot asigaranye n’umuzamu ariko umupira umuzamu akawukuramo.

Umukino warangiye ari 2 bya Espoir ku busa bwa Rayon Sports. Muri rusange umukino waranhiye ikipe ya Espoir ifite 52% ku ijana mu guhererekanya umupira, Rayon Sports yari ifite 48%, Rayon mu mukino wose yateye amashoti agana mu izamu 2 nayo yo mu gice cya kabiri, ni mu gihe Espoir yateye 4. Buri kipe yabonye amakarita y’imihondo 2, ni mu gihe Rayon Sports yasoje ifite koruneri 5 naho Espoir 3.

Kugira ngo ikipe ya Rayon Sports ikomeze ku mukino wa nyuma birayisaba gutsinda iyi kipe ya Espoir byibuze ibitego 3-0.

Undi mukino ubanza wa 1/2 uteganyijwe ku mubsi w’ejo APR FC izaba yasuye Amagaju i Nyamagabe.

Yisangize Inshuti.

Ibitekerezo 8

  1. EREGA RAYON YARABAHAHAMUYE NIYO MPAMVU MWIFUZA KO YATSINDWA KUGIRANGO MUTAZASIGARA KURUGO MURI UYU MWAKA,ariko ntarirarenga muzishime nyuma yo kuwa gatatu mubonye retour irangiye.kandi namwe mwibuke ko amagaju atoroshye nimuhivana mwisengerere agacupa.Ariko rayon nimutuze kereka niba abakinnyi harimo ba YUDA ,nabyo byashoboka kuko si ubwa mbere byaba bibaye,ariko ubundi ntago biriya bizaba muri retour

  2. Bakinnyi ba rayon mumenye agaciro izina rayon rifite mushyire umutima kuri équipe ibindi après nta Yuda dushaka muri équipe.

Tanga Igitekerezo