Masudi mu rugendo rw’imyaka 3 yo gushakira Rayon Sports ibikombe

1

Umutoza Irambona Musudi Djuma yamaze kongera amasezerano y’imyaka 3 muri Rayon Sports yahesheje igikombe cy’Amahoro yaherukaga mu myaka 11 ishize.

Kuri uyu wagatandatu ni bwo Rayon Sports yatangaje ko Masudi Djuma yongereye amasezerano nyuma y’iminsi bagirana ibiganiro.

Masudi ahawe amasezerano nyuma yo guhesha iyi kipe igikombe cy’Amahoro ndetse akanabafasha gutsinda mukeba wabo APR FC ibitego 4 ku busa muri shampiyona ndetse n’igitego kimwe ku mukino wa nyuma w’igikombe cy’Amahoro.

Muri iyi myaka 3 Masudi yahawe, harimo inshingano zo gushimangira ubushobozi bw’iyi kipe ayifasha gutwara ibikombe.

Masudi yaje muri Rayon Sports mu Kuboza umwaka ushize wa 2015 aje kuba umutoza wungirije Ivan Minaert umubiligi wari umutoza mukuru, muri Gashyantare uyu mwaka Masudi yaje guhabwa ikipe by’agateganyo nyuma y’uko umutoza mukuru yari agiye.

Masudi yahise afasha ikipe ya Rayon Sports gutwara igikombe cy’Amahoro ndetse no kwigarurira mukeba akayitsinda imikino ibiri harimo n’umukino wa nyuma w’igikombe cy’Amahoro.

Masudi yaje muri Rayon Sports avuye mu ikipe y’igihugu y’Uburundi aho yatozaga nk’umutoza wungirije mu ikipe y’abakiri bato.

Yisangize Inshuti.

Ibitekerezo 1

Tanga Igitekerezo