Manchester United yihimuye kuri Leicester nyuma y’iminsi inengwa umusaruro mubi

1

Manchester United itsinze umukino yakinaga na Leicester City nyuma y’imikino ibiri yari maze idatsinda muri shampiyona, muri uyu mukino kandi Paul Pogba yatsinze igitego cya mbere kuva yagurwa akayabo ka Miliyoni 90 z’amapawundi.

Uyu mukino Manchester United iwutsinze Ibitego bine kuri kimwe(4-1), ku munota wa 22 Cris Smalling niwe wafunguye Amazamu, Juan Mata yatsinze igitego cya kabiri ku munota wa 37 naho ku munota wa 40 Marcus Rashford yatsinze igitego cya gatatu.

Ku munota wa 42 Paul Pogba yatsinze igitego cya kane kikaba ari nacyo gitego cya mbere yatsindiye Manchester United kuva yamugura imukuye muri Juventus mu Butaliyani kuri muliyoni 90 z’amapawundi anaca agahigo ku kugurwa amafaranga menshi ku Isi yose kuva ruhago yabaho.


Igitego Pogba yatsinze n’umutwe

Ku munota wa 60 Demarai Gray yatsindiye Leicester City igitego cy’impozamarira.

Manchester United yatsinze uyu mukino nyuma y’imikino ibiri ya shampiyona itsindwa ndetse n’undi umwe yatsinzwe muri Europa League.

Ibi byatumye kuri uyu mukino umutoza Jose Mourinho yicaza bamwe mu bakinnyi barimo Kapitene Wayne Rooney. Manchester United yahise igira amanota 12 iza ku mwanya wa gatatu mu gihe itegereje ko izindi kipe zikina.

Yisangize Inshuti.

Ibitekerezo 1

Tanga Igitekerezo