Lionel Messi yatsinze ubujurire bw’urubanza rwe

1

Urukiko rw’ubujurire rw’ishyirahamwe ry’umupira w’amaguru ku Isi FIFA rwakomoreye umukinnyi wa Argentina Lionel Messi bamukuriraho igihano yari yarahawe cyo gusiba imikino 4.

Iki gihano cyo gusiba imikino ine yari yagihawe ubwo yaregwaga gutuka umusifuzi wo ku ruhande ubwo Arigentine yakinaga na Chile mu mikino yo gushaka tike yo kujya mu gikombe cy’Isi kizabera mu Burusiya mu mwaka wa 2018.

Uyu mukino wabaye tariki ya 24 z’ukwezi kwa gatatu icyo gihe Messi yarezwe ko yatutse umusifuzi kuri nyina maze ahagarikwa imikino mu marushanwa yo gushaka tike yo kujya mu gikombe cy’Isi cya 2018, urwego rw’ubujurire rwa FIFA rwavuze ko ibikorwa Messi ashinjwa bigayitse ariko kandi ko ibimenyetso bihari bidahagije kugirango afatirwe ibihano.

Ibi bivuze ko Messi azakina imikino 4 isigaye mu mikino 4 Messi yari yarahanwe yari amaze gusibamo umwe. Argentina ntihagaze neza ku mugabane wayo muri iyi mikino yo kujya mu gikombe cy’Isi kuko iri ku mwanya wa 5 n’amanota 22.

Yisangize Inshuti.

Ibitekerezo 1

Tanga Igitekerezo