Kwizera Olivier yirukanywe mu ikipe ya APR FC

2

Kwizera Olivier wari umuzamu wa APR FC yamaze gusezererwa n’iyi kipe nyuma y’uko gahunda yo kwerekeza mu gihigu cya Afurika y’Epfo mu ikipe ya Maritzburg United FC bitagishobotse bitewe n’ikibazo cy’ibyangombwa uyu musore yabuze.

Nk’uko umuvugizi w’iyi kipe yabitangarije Igihe, Kazungu Clever yavuze ko uyu musore ubu atemerewe no kugaragara mu myitozo y’ikipe ya APR FC ndetse n’ibindi bikorwa ibyo ari byo byose byerekeranye n’iyi kipe kuko ngo yavangiraga umutoza mushya w’iyi kipe muri gahunda ze z’umwaka utaha.

Kazungu avuga ko ikipe ya APR FC yafashije bishoboka byose uyu musore ngo abe yabasha kwerekeza muri iki gihugu ariko ngo igihe bidakunze ntiyayirenganya bakaba bamurekuye ngo ashake indi kipe yigiramo.

Kazungu yagize ati: “Ni byo yavamywe mu bandi bakinnyi ntabwo yemerewe kongera kwitabira imyitozo kuko ntakiri umukinnyi wa APR FC nta na gahunda yindi imufiteho. Gukomeza gutoza umukinnyi utari uw’ikipe byavangiraga umutoza.”

Kwizera utegereje ko abona ibyangombwa ngo abe yabasha kwerekeza muri Afurika y’Epfo akaba yakoreraga imyitozo muri APR FC ku ruhande rwe avuga ko yamaze kumenyeshwa n’ubuyobozi bw’iyi kipe ko butamufite muri gahunda zabo akaba agiye gushaka ikipe yasinyira igihe gito bityo ibyangombwa byaba bibonetse akaba yasohoka mu kwezi kwa mbere.

Kwizera Olivier ari mu bakinnyi 4 bari batangajwe n’ubuyobozi bw’iyi kipe ko bazasohoka muri iyi kipe bakigira mu yandi makipe harimo Iranzi Jean Claude wamaze kwerekeza mu kicira cya 3 muri Slovakia, Rwatubyaye Abdul wamaze gusinyira Rayon Sports ndetse na Emery Bayisenge uzerekeza muri Maroc.

Yisangize Inshuti.

Ibitekerezo 2

Tanga Igitekerezo