Ku myaka 40, Francesco Totti yasezeye ku mupira w’amaguru

Rutahizamu Francesco Totti yavuze ko uyu mwaka w’imikino nurangira azahagarika kongera gukina ruhago.

Totti , umukinnyi w’ikipe ya As Roma yo mu Butaliyani kuva mu mwaka wa 1993 akaba n’umukinnyi w’ikipe y’igihugu, yavutse tariki ya 27 Nzeli 1976.

Mu buzima bwe yakiniye ikipe ya AS Roma gusa anabereye kapiteni igihe kinini. Amaze gukinira ikipe ya AS ROMA imikino 616 ayitsindira ibitego 250 akaba ari umukinnyi wa gatatu mu bamaze gukina imikino myishi muri Serie A akaba uwa Kabiri mu bamaze gutsinda ibitego byinshi muri iyi shampiyona nyuma ya Silvio Piola ufite ibitego 274.

Aganira na AFP, Ibiro Ntaramakuru by’Abafaransa, Spaniard Monchi umuyobozi wa siporo mu ikipe ya As Roma yagize ati “nasoza umupira agomba kumba hafi, azi byinshi kuri As Roma , Toti ni As Roma agomba gutuma numva icyo As Roma ari cyo”.

Francesco Totti yatwaye igikombe cy’isi mu 2006 ari kumwe n’ikipe y’igihugu y’Ubutaliyani. Yatwaye igikombe cya shampiyona kimwe, Coppa Italia ebyiri hamwe na Supercoppa Italia ebyiri hose ari kumwe n’ikipe ya As Roma.

Toti yahawe ibihembo byinshi birimo icya kapiteni muto mu mateka ya Serie A, yatwaye igihembo cy’umukinnyi mwiza w’umwaka w’umwenegihugu inshuro eshanu, atwara kandi icy’umukinnyi mwiza muri shampiyona inshuro ebyiri.

Biteganyijwe ko asezera ku mugaragaro ku wa 28 Gicurasi 2017 ubwo As Roma izaba ikina na Genoa umukino wa nyuma wa shampiyona muri uyu mwaka w’imikino .

Raoul Dasrah Nshungu

Yisangize Inshuti.

Ibitekerezo

Tanga Igitekerezo