Itariki umukino w’amateka Everton igomba gucakiranamo na Gor Mahia ya Migi na Jacques yamenyekanye

Ikipe ya Everton yo mu Bwongereza biteganyijwe ko igomba gukina umukino w’amateka n’ikipe ya Gor Mahia yo muri Kenya ukabera muri Tanzania tariki ya 13 Nyakanga 2017 ku kibuga gikuru cya Tanzania ’Uwanja wa Taifa cyangwa Tanzania National Stadium’.

Ikipe ya Everton biteganyijwe ko izagera muri Tanzania tariki ya 12 Nyakanga 2017 n’abakinnyi bayo bose, ni ukuvuga amasaha 24 mbere y’uko uyu mukino ugomba kuyihuza na Gor Mahia yo muri Kenya utangira.

Ikipe ya Gor Mahia yabonye amahirwe yo gukina uyu w’amateka na Everton nyuma yo kwegukana igikombe cya SportPesa Super Cup itsinze AFC Leopards ku mukino wa nyuma ibitego 3-0, ni mu irushanwa ryari ryahuje amakipe agera ku 8 yo muri Kenya na Tanzania mu kwezi gushize kwa Kanama.

Ayo makipe ni Singida United, Jang’ombe Boys, Simba Sports Club na Dar Young Africans zo muri Tanzania. AFC Leopards, Nakuru All Stars, Tusker FC na Gor Mahia zo mu gihugu cya Kenya.

Yisangize Inshuti.

Ibitekerezo

Tanga Igitekerezo