Inzozi zo kujya mu matsinda zirangiranye Rayon Sports itagezeyo

4

Umukino wagomba guhesha Rayon Sports ishema ku ruhando rwa Afurika urangiye inaniwe kuwutsinda inzozi zo kujya mu matsinda ya Confederation cup zirangiriye kuri sitade Amahoro.

Uyu mukino wahuje Rayon Sports na Rivers United yo muri Nigerie wari uwo kwishyura, umukino ubanza Rayon Sports yari yatsinzwe ibitego 2 ku busa.

Muri uyu mukino wo kwishyura yasabwaga kwibyura ikanarenzaho ibindi, gusa ibi siko biyigendekeye kuko umukino urangiye amakipe yombi anganya ubusa ku busa.

Sitade Amahora yari yakubise ibura abantu bacye ngo yuzure hafi ya bose bafana Rayon Sports n’ubwo harimo agakundi nk’abafana bagera nko ku 100 bafanaga Rivers United .

Ikipe ya Rayon Sports yatangiranye inyota yo gutsinda ariko Rivers United yari yiganjemo abakinnyi bakuze ikomeza kugarira izamu ryayo neza kandi nayo ikanyuzamo igasatira. Igice cya mbere cyose cyakinywe amakipe yombi acunganira hafi habura n’imwe yinjiza igitego.

Igice cya kabiri kigitangira umutoza Masudi Djuma wa Rayon Sports yakoze impinduka akuramo Mugisha Francois Master na Tidiane Kone maze ashyiramo Niyonzima Olivier Sefu na Irambona Eric.

Ibi byatumye Nshuti Dominique Savior akinira imbere cyane atangira no kuzonga abakinnyi ba Rivers United. Ku munota wa 58 umusore Nweke Ifeanyi yamukoreye ikosa ahita anahabwa ikarita y’umutuku.

Rayon Sports yahise ikuramo myugariro Mugabo Gabriel ishyiramo Manishimwe Djabel ngo afashe abataha izamu .Ibi byatumye Rayon Sports isatira itangira gukinira mu gice cy’ikibuga cya Rivers ariko yihagararaho ikomeza gucunga izamu ryayo neza.

Umukino warangiye amakipe yombi anganya ubusa ku busa bituma Rivers United ikomeza kuko yatsinze umukino ubanza ibitego 2 ku busa.

Rivers United yahise ibona tike yo kujya mu matsinda ya CAF Confederaton cup naho inzozi za Rayon Sports zo kuyageramo zirarangira.



Abakinnyi amakipe yombi yabanje mu kibuga


Abakinnyi ba Rivers bihagazeho


Uyu mukino nwanyuzagamo ukazamo amahane



Umunyezamu wa Rivers ya Rayon Sports



Umukino urangiye abakinnyi n’umutoza bari bababye ariko ariko nk’inisisanzwe bafatanya n’abafana kwakira umusaruro uvuye mu mikino

Yisangize Inshuti.

Ibitekerezo 4

  1. ooooooooooohh rayon !!! imana ishimwe kuba usigaye ucara mu rugo kko ntakintu ushoboye

  2. ooooooooooohh rayon !!! imana ishimwe kuba usigaye ucara mu rugo kko ntakintu ushoboye

Tanga Igitekerezo