Abakinnye CAN 2004 bakomeje kwikoma De Gaule, Mbonabucya we yamusabye kwegura

16

Perezida wa FERWAFA Nzamwita Vincent De Gaulle yaraye abwiye itangazamakuru ko u Rwanda rutagiye muri CAN mu mwaka wa 2004 kuko rwakinishaga abanyamahanga kandi ko we ari gutegura abana b’abanyarwanda bazajyayo ari abenegihugu kandi bazaba bakunze u Rwanda.

Aya magambo yababaje bamwe mu bagize uruhare mu kujyana Amavubi muri iyi CAN ya 2004.

Karekezi Olivier niwe watangiye agaragaza akababaro yatewe n’aya magambo ya Perezida Nzamwita De Gaulle.

Mbonabucye Desire wari kapitene icyo gihe nawe akaba yafashe umwanya yandika inyandiko ndende yuzuye ubutumwa yageneye uyu muyobozi.

Mbonabucya nyuma yo kugaragaza akababaro yatewe n’ibi uyu muyobozi yavuze yasabye Minisiteri ifite imikino mu nshingano kugira icyo ikora, ariko anasaba Nzamwita kwegura ku bushake.


Mbonabucya yari kapitene w’ikipe yajyanye u Rwanda muri CAN ya 2004

Soma inyandiko ndende y’uwari kapitene w’Amavubi muri CAN

Mwiriwe mwese nshuti zanjye bakunzi ba Sport mwese,
Ndabasuhuje cyane,mukomere

Impamvu itumye nandika uyu munsi nuko nshaka gusubiza Perezida wa Fédération y’umupira w’amaguru mu Rwanda FERWAFA ku magambo yatangaje.

Ngo u Rwanda ntirwagire muri CAN ngo hagiyeyo abanyamahanga!!!! Ngo ku bwe arashaka ko rujyayo bwa mbere binyuze ku mutoza Antoine Hey!!

Nyakubahwa Perezida ndagira ngo nk’uwabaye Kapiteni w’ikipe y’igihugu Amavubi muri 2004 ubwo twajyaga muri CAN bwa mbere mu mateka y’u Rwanda, nkubwire ko ayo magambo yo gupfobya amateka meza yabayeho muri ruhago yacu mu Rwanda ntashobora kuyihanganira kuko binkoraho cyane ndetse na bagenzi banjye nari mpagarariye icyo gihe.

Nyakubahwa président nagira ngo mbanze nkwibutse amateka

U Rwanda rwari rumaze imyaka igera kuri 50 rutarakandagira muri CAN, ariko kubera ingufu abantu bashyizemo ku Isonga harimo Nyakubahwa Perezida wa Repubulika Paul Kagame aherekejwe na Guverinoma yose badusabye twebwe nk’abakinnyi gukora iyo bwabaga tukerekana ko dushoboye, ko twagera muri CAN baturemamo ikizere,baduha ibyangombwa byose bikenerwa natwe dushyiraho akacu nk’abakinnyi tubigeraho

Igihugu cyose kirishima kuva ku muto kugera ku mukecuru n’umusaza.Ndetse n’akarusho ku babyibuka bari i Kampala, Nyakubahwa Perezida wa Repubulika yadutumiye Indege spécial kugira ngo dutahe iryo joro kubera ibibazo by’umutekano byari bihari, ndetse Nyakubahwa Perezida wa Repubulika na Guverinoma yose twaraye tubyina intsinzi muri Stade Amahoro kugeza mu rukerera!

None Nyakubahwa De Gaulle, uyu munsi utaramara n’imyaka itanu umenyekanye mu mupira, nabwo mu bintu bidasobanutse, urashaka gupfobya ibyo byishimo by’igihugu cyose?

Nyakubahwa Perezida De Gaulle, ndagira ngo ngaruke kuri ibyo uvuga ngo ikipe y’icyo gihe yari abanyamahanga gusa.Ubihera he wambura umuntu ubwenegihugu yahawe na leta, nka nde? nagira ngo nkwibutse ko U Rwanda ari igihugu kigenga kandi gishobora guha ubwenegihugu uwo gishatse wese.

Ikindi ndagira ngo nkwibutse ko muri football moderne nta bunyamahanga bubaho niba uri Perezida w’ishyirahamwe ry’umupira wagombye kuba ubizi.

Noneho nagira ngo ngaruke kuri abo wita abanyamahanga, n’abakinnyi 7 muri 22 bagiye muri CAN kandi nabo bahawe ubwenegihugu, Ubwo se abanyamahanga bari he he?

Nyakubahwa De Gaulle iyo ubivuga wagira ngo ntunajya ureba ibindi bihugu ngo urebe abakinnyi biba bifite.None uzateza umupira ute imbere utazi gukopera ibyo abandi bakora byiza bitanga umusaruro??

Nyakubahwa De Gaulle nagira ngo ku giti cyanjye nongere nkunenge cyane.

Muri Congo Brazzaville wafashe icyemezo cyo gukinisha Daddy Birori kandi umutoza na Team Manager bakubwiye ko ari i kibazo, ubwawe utanga itegeko ry’uko akina ko ibindi bibazo uzabyirengera, nyuma biza kurangira dutewe mpaga Igihugu cyose kirababara biguturutseho, kuki nk’umugabo utabyirengeye?

Ikindi kubyirengera wasanze ari ukwihimura ku bari barahawe ubwenegihugu byemewe n’amategeko kandi amakosa ari ayawe? Ibyo rero byo guhuzagurika nyakubahwa nibyo bituma umupira udatera imbere.

Nyakubahwa De Gaulle, twebwe abasportif byose turabibona ariko ubu birakabije kuko wageze aho utagomba kugera ushaka gupfobya amateka ya football yacu mu Rwanda, kuri twe bakinnye CAN tubibona nk’Agasuzuguro.

Reka ndangirize aha ariko sinarangiza ntakubajije impamvu ufata umutoza ukamuha umwaka umwe ukamusaba kutujyana muri CHAN cyangwa CAN byamunanira akagenda.Ibyo nibyo bizateza football yacu imbere?

Biratangaje cyane kuri twe abasportif bivuga ko aje gupima amahirwe, icyo nacyo ni kimwe mu byica umupira wacu kuko umutoza azakorera ku gitutu ntashobora gutekereza kure.

Nkaba Ndangiza nsaba Minisiteri ya siporo ko yashishoza neza koko niba De Gaulle ari we muntu ukenewe kuko bigaragara ko ibyo abandi bose bakoze mbere ye abisuzugura ko ntacyo bakoze kandi yibagirwa ko ku bw’abamubanjirije habayeho, amakipe yagiye muri CAN n’Igikombe cy’Isi U17.

Twizere ko Minisiteri iza kugira icyo ikora kuri aya magambo asuzuguza cyangwa asebya igihugu.

Njye ku bwanjye nkurikije amakosa akorwa n’imivugire idahwitse nkaba namusaba kwegura.

Nkaba mbashimiye cyane bavandimwe namwe nshuti basportif. Nanditse byinshi muranyihanganira n’akababaro ko kumva umuntu usebya amateka meza y’ibyagezweho muri Sport yacu.

Mukomeze mugire ibihe byiza kandi Imana ikomeze ibane namwe.


Inkuru bijyanye:Mu magambo yuzuye agahinda Karekezi yifatiye ku gahanga Perezida wa FERWAFA De Gaulle

Yisangize Inshuti.

Ibitekerezo 16

  1. Uwo mugabo wabuze KO hakinnye abanyamahanga ndumva atabeshye nuko toute vérité atali sawa kuyivuga.naho ibyo désire avuga ngo nabonye ubwene gihugu ntibitangaje nimba barazibonye juste pour la can.ngo 7 mu kibuga ali11 hahaha hasigaya4

  2. Uwo mugabo wabuze KO hakinnye abanyamahanga ndumva atabeshye nuko toute vérité atali sawa kuyivuga.naho ibyo désire avuga ngo nabonye ubwene gihugu ntibitangaje nimba barazibonye juste pour la can.ngo 7 mu kibuga ali11 hahaha hasigaya4

  3. Andika Igitekerezo HanoDEGERI NABANZE AMENYE AMATEKA YA HISTORY CYA NGWA DEFINITION YAYO H/E NATABARE RUHAGO YACU YEGUZE DEGERE AHABWE IBYO ASOBANUKIWE NAHO RUHAGO NAHO AZAYIGEZA ISIBYE AMAGAMBO YONYINE

  4. Twe twarumiwe Desire we , erega abantu ntibagira usoni rwose , uriya mugabo rwose iyo aba undi ugira isoni yagombye kuba yareguye kera ariko kubera imigati iba irimo ntiyavamo rwose, sinibuka niba yarazamukiye kuri ticket ya APR nayo yaba imaze kubibona ko ntacyo azamarira football family rwose. Naho se Ministere ngo itabare iriya yo icyo yakora yavuga ngo ikibazo turakizi tugiye kugikurikirana, dutegereze wenda Nyakubahwa Perezida wa Repubulika nahuguka azamudukiza kuko nzi neza ko nawe ashakira abanyarwanda ibyishimo kandi na Perezida wacu akunda football azamudukiza ye kandi FIFA ntacyo izadutwara.

  5. Twe twarumiwe Desire we , erega abantu ntibagira usoni rwose , uriya mugabo rwose iyo aba undi ugira isoni yagombye kuba yareguye kera ariko kubera imigati iba irimo ntiyavamo rwose, sinibuka niba yarazamukiye kuri ticket ya APR nayo yaba imaze kubibona ko ntacyo azamarira football family rwose. Naho se Ministere ngo itabare iriya yo icyo yakora yavuga ngo ikibazo turakizi tugiye kugikurikirana, dutegereze wenda Nyakubahwa Perezida wa Repubulika nahuguka azamudukiza kuko nzi neza ko nawe ashakira abanyarwanda ibyishimo kandi na Perezida wacu akunda football azamudukiza ye kandi FIFA ntacyo izadutwara.

  6. Twe twarumiwe Desire we , erega abantu ntibagira usoni rwose , uriya mugabo rwose iyo aba undi ugira isoni yagombye kuba yareguye kera ariko kubera imigati iba irimo ntiyavamo rwose, sinibuka niba yarazamukiye kuri ticket ya APR nayo yaba imaze kubibona ko ntacyo azamarira football family rwose. Naho se Ministere ngo itabare iriya yo icyo yakora yavuga ngo ikibazo turakizi tugiye kugikurikirana, dutegereze wenda Nyakubahwa Perezida wa Repubulika nahuguka azamudukiza kuko nzi neza ko nawe ashakira abanyarwanda ibyishimo kandi na Perezida wacu akunda football azamudukiza ye kandi FIFA ntacyo izadutwara.

  7. ukuri kuraryana pe mbona kugira ngo football yacu izatere imbere aruko twabanza kureba abana bafite impano izompano zabo bakazibyaza umusaruro ariko niba tugifite imyumvire imeze gutya football izahora irihasi pe burya bihera hasi Pe kuki twebwe ayomahanga ataza gutwara abana babanyarwanda bashoboye ayomadorari akinjira mu gihugu aho kuyasohora njyewe mbona football iramutse iteguwe neza ntamanyanga arimo yazatera imbere

  8. AMAGAMBO YADEGAULE NUBUZAZI NDAKINDI NAMUNTUMUZIMA WABASHA GUPHOBYA IBYABANA BABANYARWANDA BAKOZE UMUNYARWANDA AHWARIHOSI AKISIMA YEWE DEGAU SINAKUGAYA NUKO UBONANAWE NACYO UMASE NKWISABIRE IKINTU KIMWE EGUZA EGUZA EGUZA NDAGUSABYE

  9. UYU MUGABO NIMUBONA ADATUMYE URWANDA RUZA KUMWANYA WA KABIRI FERWAFA IGAHAGARIKWA MUNGAYE IBYAVUGA BIGARAGAZA UKO UBWENGE BWE BUNGANA NIYEGURE🤔🤔

  10. 1 | 2

Tanga Igitekerezo