Kwamamaza

Imikino

Inteko Ishinga Amategeko yinjiye mu kibazo gishobora gusubika umukino w’u Rwanda na Ghana

Yanditswe

kuya

na

Alexis Musabirema
Inteko Ishinga Amategeko yinjiye mu kibazo gishobora gusubika umukino w’u Rwanda na Ghana

Komite ishinzwe urubyiruko na siporo mu Nteko Ishinga Amategeko ya Ghana yemeje ko igiye kwinjira mu bibazo biri mu ikipe y’igihugu byatejwe n’ubwumvikane buke bwa Minisitiri w’imikino ndetse n’ubuyobozi bw’ishyirahamwe rya ruhago muri Ghana.

Minisitiri Nii Lante Vanderpuye ushinzwe siporo muri Ghana aherutse gufata icyemezo abwira ubuyobozi bw’umupira w’amaguru muri Ghana ko umukino Ghana ifitanye n’u Rwanda bazifashisha abakinnyi bakina imbere mu gihugu kuko abo hanze bahenze ku matike ndetse no kubatunga.

Uyu mu Minisitiri yavuze ko umukinnyi ukunda igihugu yazitegera akaza agakina utabishoboye agasimbuzwa ukina imbere mu gihugu.

Ibi byakurikiwe n’amakuru yavugaga ko ubuyobozi bwa ruhago muri Ghana bushobora gukura iyi kipe muri aya majonjora ya CAN ibintu byanatuma ihita ihanwa .

Kwadwo Baah Agyeman, umudepite muri iyi komite yavuze ko bagiye kwihutira kwivanga muri iki kibazo kigakemuka kuko ngo ibi bibazo bikomeje byazatuma batajya muri CAN ariko kandi ngo bagahanwa ntibazanajye mu gikombe cy’Isi mu Burusiya mu mwaka wa 2018.

Ati:” Inshingano zacu ni ukugenzura biriya bigo byombi, Minisiteri n’ishyirahamwe ry’umupira w’amaguru cyane cyane mu birebana n’inyungu z’igihugu. Navuganye na bamwe mu bo dukorana mu Nteko kandi nzi ko kuri uyu wa Kane ikibazo kirara gikemutse”

Minisiteri ifite imikino mu nshingano zayo muri Ghana ndetse n’ishyirahamwe ry’umupira w’amaguru bo bakomeje kwitana ba mwana k’ugomba gukemura ibi bibazo biri mu ikipe y’igihugu agatanga amafaranga.

Iki cyemezo cy’inteko ishinga Amategeko gishobora kugira ingaruka ku mupira w’amaguru muri Ghana kuko ibi FIFA ibifata nk’aho ubutegetsi bwite bwa leta bwivanze mu miyoborere y’umupira w’amaguru.

Hagati aho kapitene wungirije wa Ghana Andrew Ayew Dede yari yabwiye abakinnyi ko azabaha amatike y’indege bakjya gukinira igihugu. Ibinyamakuru byo muri Ghana byatangaje ko kuri uyu wa Gatatu abakinnyi 13 aribo bonyine bakoze imyitozo barimo 10 bakina hanze.

Kapitene Asamoah Gyan ariko nawe kuri uyu wa Gatatu yabyutse atangaza amagambo y’ihumure ku benegihugu avuga ko abakinnyi bose bitezwe kuzaza.

Ati "Abakinnyi hafi ya bose bemeje ko bazaza”. Uyu mukino w’u Rwanda na Ghana uteganyijwe kuri uyu wa Gatandatu tariki ya 3/9/2016.

IBITEKEREZO

  • cyane Yanditse:

    Umva uko abakora bakora, naho abandi barebera Amavubi!

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza