Ingamba zakajijwe ku kinyabupfura cy’abakinnyi ba APR FC

2

Camarade umunyamabanga wa APR FC afite igitabo cy’amategeko agenga abakinnyi ba APR FC

Ubuyobozi bw’ikipe ya APR FC buratangaza ko bwamaze kwereka umukinnyi wabo wese igitabo cy’amategeko agomba gukurikiza atabikora akagenerwa ibihano bikirimo, ibi ngo babitewe n’uko hari abatari bacyubahiriza amategeko agenga ikipe.

Mu kiganiro n’abanyamakuru umunyamabanga wa APR FC Kalisa Adolphe Camarade yavuze ko buri mukinnyi wese yaba umushya ndetse n’abasanzwe bose bamaze gushyikirizwa iki gitabo basinyira ibirimo byaba amategeko abagenga ndetse n’ibihano.

Camarade avuga ko ikinyabupfura ari ikintu bagiye guhagurukira muri iyi kipe yagize ati:”Turashaka ko umwaka utaha ikintu tuzashimangiraho cyane ari ikinyabupfura mu ikipe kubera ko twasanze harimo abatari bagikurikiza amategeko. Nicyo gituma ejo twahuye n’abakinnyi bose baba abashya ari n’abasanzwe ikintu cya mbere twakoze ni ukubaha igitabo cy’amategeko kizakoreshwa mu minsi iri imbere.”

Yakomeje agira ati:”Buri wese akagisinyaho ko yemera ibirimo ahongaho ko yemera ko azabikurikiza ndetse ko natabikurikiza ibihano birimo nabifatirwa ntazabe atunguwe. Cyari gisanzwe gihari ariko burya iyo mu maze igihe mukorana n’abakinnyi hari amakosa menshi mubona agenda agaruka bibafasha rero gushyiramo ibintu byinshi muba mwibagiwe gushyiramo nabo babyemeye ko bizabagirira akamaro.”

Mu mwaka wa shampiyona ushize mu ikipe ya APR FC hagiye humvikana kutishimira imyitwarire y’abakinnyi bamwe na bamwe. Ubwo haburaga umunsi umwe ngo APR FC ikine na Rayon Sports umukino wo kwishyura bamwe mu bakinnyi bayo barimo Pappy, Bertrand na Bienven bagaragaye baraye mu kabyiniro, ndetse uyu mukino APR FC ihita iwutsindwa ibitego 4 ku busa.

APR FC kandi ubwo yatsindirwaga i Rusizi na Espoir iyi ntsinzwi yakurikiwe n’ibihano ku bakinnyi bayo nka Iranzi, Ndahinduka, Bayisenge Emery na Ntamuhanga Tumayine bahagaritswe bashinjwa kwitwara nabi.

Ku mukino wa nyuma w’igikombe cy’Amahoro kandi Perezida wa APR FC Gen Musemakweli Jacque nabwo yagaragaye atonganya abakinnyi mu gihe cyo kwambikwa imidari abaziza ko bakuragamo imidari babaga bamaze kwambikwa nyuma yo kuba aba 2 batsinzwe na Rayon Sport ku mukino wa nyuma.

Yisangize Inshuti.

Ibitekerezo 2

  1. Mwaramutse neza najye ndumufa wa APR ibyo nibyo kuko dispirine niyo yambere kandi ituma umuntu agera kuribyinshi kandi byiza kuko natwe niyo ituranga
    MURAKOZE

Tanga Igitekerezo