Indirimbo z’urukozasoni zigenewe De Gaulle na McKinstry nibyo bikurikiye intsinzwi y’Amavubi.

14

Umukino wahuzaga ikipe y’u Rwanda Amavubi na Mozambique urangiye u Rwanda rutsinzwe ibitego 3-2 icyizere cyo kujya muri CAN kirangirira aho, nyuma y’uyu mukino abafana bagaragaje uburakari bafitiye umuyobozi wa FERWAFA Nzamwita Vincent De Gaulle n’umutoza w’ikipe w’Amavubi Johnny McKinstry.

Uyu mukino watangiye ku isaha ya saa cyenda n’igice kuri sitade Amahoro niwo Amavubi yari yitezeho icyizere cyo kujya muri CAN kuko iyo awutsinda nk’uko umutoza yari yabyijeje Abanyarwanda yari kuba agifite amahirwe yo kujyayo kuko yasabwaga kuzatsinda Ghana hanyuma akarindira ko yatorwa nk’ikipe yitwaye neza muzabaye iza kabiri.

Ibyo bibwiraga ariko siko byagenze kuko n’ubwo bari bizeye gutsinda ikipe ya Mozambique ahubwo yabahindukiranye itangira umukino ibarusha maze kumunota wa 9 kapitene wabo Elias Gaspar Pelembe aba atasinze Amavubi y’u Rwanda igitego cya mbere .

Abanyarwanda bari baje gufana Amavubi bagize ngo kiratunguranye maze bakomeza gufana bizeye ko ikipe yabo yaza kwishyura . Mozambique ariko yakomeje gukina umupira w’igitangaza irusha Amavubi cyane impande zimwe na zimwe z’Amavubi zikomeza kugaragaza imbaraga nkeya harimo urw’iburyo rwa Rusheshangoga Michael ndetse n’ibumoso kwa Sibomana Abouba.

k’umunota wa 38 w’igice cya mbere, Tuyisenge Jacque yaje kwishyurira u Rwanda igitego ariko n’ubundi amakosa ku basore b’u Rwanda ntiyagabanuka Mozambique ihita ibatsinda igitego cya kabiri k’umunota wa 44 gitsinzwe na Apson David Manjate.

Igice cya mbere cyarangiye Mozambique iri imbere n’ibitego 2 kuri 1. Amakipe yavuye kuruhuka Amavubi afite inyota yo kwishyura umutoza akuramo Niyonzima Ally wakinaga hagati ashyiramo Usengimana Danny ukina imbere.

Abasore b’Amavubi basatiriye bashaka ibitego ariko biranga rutahizamu Danny akomeza guhusha ibitego byabaga byabazwe. Ku munota wa 74 umutoza yafashe icyemezo cyo gukuramo Iranzi yinjiza Hakizimana Muhadjir ariko abafana bamuha induru kuko Iranzi yari arimo gukina neza. Muhadjir ariko na we yagezemo akina neza atera imipira ibiri yavuyemo amahirwe yakabyajwe igitego ariko Rwatubyaye na Danny ntibayabyaza umusaruro.

Tuyisenge Jacques cyera kabaye yaje guhagurutsa Abanyarwanda ku munota wa 77 atsinda igitego cya kabiri abantu batangira kwizera ko Amavubi ashobora gutsinda ariko Kapitene wa Mozambique Elias Gaspar Pelembe ahita abacecekesha ku munota wa 78 atsinda igitego cya 3.


Mozambique yarushije cyane Amavubi.

Umukino urangiye umutoza wa Mozambique Abel Xavier ati:”nk’uko mwabibonye mu kibuga ikipe yarahindutse haba mu bakinnyi, mu kibuga ndetse no mu mutwe intego yari ugutsinda kandi turabikoze.”


Umutoza wa Mozambique Abel

Mugenzi we McKinstry utoza Amavubi y’u Rwanda we ati:”twagerageje gukina umukino usatira twabonye uburyo bwinshi ariko ntitwagira amahirwe yo kwinjiza ibitego, twabonye amahirwe agera nko kuri 5 Danny yabonye amahirwe, Abdoul nawe yabonye andi na Muhadjir mu byukuri twabonye amahirwe menshi cyane”

Umutoza w’Amavubi nyuma y’umukino ati twabonye amahirwe ariko ntitwagira amahirwe yo gutsinda.

Gutsindwa uyu mukino ku Mavubi bivuze ko icyizere cyose cyo kujya mu mikino ya Afurika cyirangiye burundu.


Abakinnyi Amavubi yabanje mu kibuga.


Abakinnyi Mozambique yabanje mu kibuga.

Uyu mukino wakurikiwe n’indirimbo z’urukozasoni.

Umukino urangiye abafana b’Amavubi bananiwe kwihangana bamwe banga gusohoka muri sitade bagumamo maze batangira kuririmba zimwe mu ndirimbo zereka umutoza ko batamushaka abandi ndetse bakavangamo n’ibitutsi zimwe muri izo ndirimbo zagiraga ziti:”FERWAFA we uragaragaye,FERWAFA we uragaragaye>”
Indi iti:”De Gaulle we turakurambiwe De Gaulle we turakurambiwe”, indi nayo iti:”McKinstry apuuuuuuu, McKinstry apuuuuu”. Indi ndirimbo nayo yagiraga iti:”Twanga De Gaulle urunuka, twanga De Gaulle urunuka.”


Abafana bagaragaje ikibari kumutima mu ndirimbo.


De Gaulle na McKinstry baririmbiwe indirimbo z’urukozasoni.

Izi n’izindi ndirimbo nizo zaririmbiwe umuyobozi wa FERWAFA n’umutoza w’Amavubi Johnny McKinstry. Abafana kandi ntibanyuzwe ahubwo basanze abakinnyi b’Amavubi aho bari bari mu modoka bategereje kugenda. Aba bafana bavugaga ko bategereje umutoza ngo bamubwire ikibari k’umutima, gusa barinze bajyanwa na Police y’igihugu umutoza atarava mu kiganiro n’abanyamakuru.


Bagiye gutegerereza umutoza ku modoka abakinnyi bari barimo ariko baramubura ngo bamuture agahinda.

Yisangize Inshuti.

Ibitekerezo 14

  1. Umuntu ageze amavubi muri 1/4 maze bamwongere amasezerano. Nikibazo amavubi ya costantin yara meze neza arigutsinda congo 2 kubusa naho libya 3-0 ayijyana muri can. Couch ntago tumushaka. Tuzakunda made in rwanda gute cyane mumikino maze numukino wa APR na Gikundiro nta TV yo murwanda nimwe yaye rekanye. Gukunda made in rwanda biza tugora ark ni murwego rwa sport gusa bibabaje.

  2. Turarambiwe pee!!!arumuyobozi wa FERWAFA ari umutoza bose birikunwe nacyo batamuraye nabo kuducumuza gsa kbs!!!!!!!!!!!????

  3. nta cyiza nakimwe ntegereje kuriyi ferwaf nukuba twibagiwe umupira wenda hari ikizahinduka

  4. none c abo banyamahanga nibo batumye ikipe intsinda CQ nubundi amahirwe atarayawe ntaba arayawe

  5. buriya rero ntabwo muzi ikibyihishe inyuma degaul aye arayabonye ahasigaye nikomeze mwihangayikire ibanga rye ni ririya nuwo mutoza bibereye abakomisiyoneri

  6. Ngo barebe neza niba Mozambique itakinishije umukinnyi utujuje ibyangombwa 😅 Kuki mu Rwanda mukunda ITEKINIKA gusa ? Mwarekeyaho ko ari mwe mwibeshyà!

  7. 1 | 2

Tanga Igitekerezo