Imvune umunye-Congo Luvumbu yakuye i Kigali ikomeje kumuzengurutsa Isi

1

Umunye-Congo Héritier Luvumbu Nzinga yongeye kurizwa indege ajyanwa mu Bubiligi kuvuzwa imvune yakuye I Kigali mu mukino Kongo yatsinzemo u Rwanda muri kimwe cya kane cya CHAN yabereye mu Rwanda uyu mwaka.

Tariki ya 17/10/2016 ku wa mbere w’icyumweru gitaha nibwo uyu mukinnyi azajyanwa mu Bubiligi kubonana na muganga Dr Sylvain Gadeyne.

Luvumbu yavunitse tariki ya 30 Mutarama 2016 ubwo ikipe ya Congo Kinshasa akinira yatsindaga u Rwanda ibitego 2 kuri kimwe mu mikino ya kimwe cya kane cya CHAN.


Luvumbu yavunikiye ku mukino Congo yakinnye n’u Rwanda.

Muri Werurwe uyu mwaka nibwo Luvumbu yari yajyanwe mu Buraransa mu mujyi wa Valencienne kubagwa ariko imvune yanga gukira ubu akaba asubijwe mu Bubiligi kongera kubagwa.

Hertier Luvumbu w’imyaka 28 yari asanzwe ari umukinnyi w’ikipe ya AS Vita Club.

Yisangize Inshuti.

Ibitekerezo 1

Tanga Igitekerezo