Hatangajwe impinduka mu bantu bazahembwa na FERWAFA

2

Ishyirahamwe ry’umupira w’amaguru mu Rwanda FERWAFA ryahinduye ibyiciro by’abantu bagomba guhembwa maze umutoza Masudi Djuma ndetse na Nizar Kanfir na bo bashyirwa mu bagomba guhabwa ibihembo.

Mu byiciro byari biherutse gusohorwa abatoza nka Masudi na Nizar n’ubwo ari bo batwaye ibihembo byose ntibari bashyizwe mu bagomba gutoranywamo umutoza w’umwaka.

N’ubwo n’ubundi batashyizwe mu cyiciro cy’abazavamo umutoza mwiza w’umwaka ariko bashyizwe mu kindi cyiciro cyizatoranwamo umutoza wigaragaje ariko atari asanzwe azwi muri shampiyona y’u Rwanda.

Iki cyiciro bazaba bahanganye na Seninga Innocent utoza Etincelles wamaze gusimburwa na Okoko wa Mukura mu cyiciro kizatorwamo umutoza mwiza w’umwaka.

Nyuma yo gutangaza abatoza bazahembwa bari batangajwe mbere abantu bibajije impamvu abatoza bose batwaye ibikombe muri uyu mwaka bataje mu beza bagomba guhembwa.(Soma inkuru yabanje: http://makuruki.rw/IMIKINO/article/Mu-batoza-batwaye-ibikombe-bikinirwa-mu-Rwanda-nta-n-umwe-FERWAFA-yashyize-mu-beza-baza-guhembwa?var_mode=calcul)

Izindi mpinduka zaje muri ibi bihembo ni ishyirwaho ry’ikindi cyiciro gishyashya cy’umukinnyi mwiza ukiri umwana cyajemo Nshuti Dominique Xavio wa Rayon Sports na mugenzi we Manishimwe Djabel ndetse na Itangishaka Blaise wakiniraga Marines ariko wamaze kugurwa na APR FC.


Masudi na Nizar baje mu batoza bazahembwa

Ibi bihembo bizatangwa tariki ya 29 Nyakanga uyu mwaka umuhango wo kubitanga ukazabera mu mujyi wa Kigali.

Ibyiciro byose byashyizweho

Umukinnyi w’umwaka

1. Hakizimana Muhadjiri (Mukura VS)
2. Nshuti Savio Dominique (Rayon Sports)
3. Kwizera Pierrot (Rayon Sports)

Umunyezamu w’umwaka

1. Mpazimaka Andre (Mukura VS)
2. Ndayishimiye Eric (Rayon Sport)
2. Mutabazi Jean Paul (SC Kiyovu)

Umutoza w’umwaka

1. Okoko Godefroid (Mukura VS)
2. Bizimungu Ally (Bugesera Fc)
3. Eric Nshimiyimana (AS Kigali)

Umutoza mwiza utari usanzwe uzwi

1. Seninga Innoncent (Etincelles FC)
2. Masudi Djuma (Rayon Sport)
3. Nizar Khanfir (APR FC)

Umusifuzi mwiza

1. Munyemana Hudu
2. Twagirumukiza Abdul Karim
3. Hakizimana Louis

Umusifuzi wo k’uruhande mwiza

1. Ndagijimana Theogene
2. Simba Honore
3. Niyonkuru Zephanie

Umukinnyi mwiza mu batoya

1. Itangishaka Blaise (Marines Fc)
2. Manishimwe Djabel (Rayon Sport)
3. Nshuti Savio Dominique (Rayon Sports)

Alexis MUSABIREMA

MAKURUKI.RW

Yisangize Inshuti.

Ibitekerezo 2

  1. Ikigaragara nuko akanama gashinzwe gutoranya ibi byiciro gahuzagurika. nabyita ahari kudasobanukirwa best coach ntihari kubura abatwaye ibikombe byahataniwe.gsa kakoze ibara.

Tanga Igitekerezo