Ikirangirire muri Box Muhammad Ali yitabye Imana

1

Umukinnyi w’icyamamare mu mukino w’iteramakofe Muhamad Ali yitabye Imana mu ijoro ryo kuri uyu wa gatanu tariki 03 Gicurasi 2016 azize uburwayi.

Muhammad Ali yabaye umukinnyi w’ikirangirire mu mukino w’iteramakofe (Box) ndetse akaba yarawukundishije benshi barimo n’umukobwa we.

Muhammad Ali yari yarajyanywe mu bitaro kuva kuwa gatatu bitewe n’ikibazo cy’ubuhumekero yari afite nk’uko byatangajwe n’umuvugizi w’umuryango we Bob Gunnell akaba ari naho yaje kugwa mu mujyi wa Phonex.

Nyuma y’imyaka isaga 32 abana n’uburwayi bwo mu bwonko buzwi nka Parkinson’s disease. Muhammad Ali yatabarutse afite imyaka 72.Ikiriyo cye kirabera mu rugo
iwe mu mujyi wa Louisville.

Muhamad Ali yaretse gukina umukino w’iteramakofe mu mwaka w’1981 ubwo yari amaze gutsindwa umukino yakinaga na trevor Berbick mu mukino wa 61 yari amaze gukina.

Nyuma gato amaze kureka gukina yatangiye kugaragaza gucika intege ndetse n’ibibazo ku bwonko aho yahise atangira kuvurwa indwara ya Perkinson’s disease.

Ali wiyitaga umugabo w’igitangaza ku Isi yashatse abagore 4 babyarana abana 9 harimo umukobwa we Laila wabaye umukinnyi w’iteramakofe wabigize umwuga. Umugore wa nyuma yamushatse mu 1980

Muhamad ali yavutse mu mwaka wa 1942 akaba yaratangiye gukina umukino wa Box afite imyaka 12 ubwo yibwaga igare umupolisi akamugira inama yo kujya kwiga uwo mukino.

Yatsinze imikino 100 mu mikino 108 yakinnye ariko atari amarushanwa nyuma aza no kwegukana umudali wa zahabu mu 1960 mu mikino ya Olympic yari yabereye mu Butaliyani mu mujyi wa Roma, gusa yaje kuwujugunya mu mugezi nyuma y’aho umukobwa ukora mu kabari yamusuguye kuko ari umwirabura.

N’ubwo yakinaga imikino y’iteramakofe Muhamad Ali yakoze ibikorwa bitandukanye byo kwita ku kiremwamuntu nk’aho yabaye intumwa y’umuryango w’abibumbye mu gukwirakwiza amahoro, kurwanya inzara n’ubukene.

Yisangize Inshuti.

Ibitekerezo 1

  1. Intwari share black power yitwaga Cassius Clay aza kuba Mohammed Ali kandi yanze kujya kurwana muri Vietnam.
    Ever great boxeur que le monde ait connu.

Tanga Igitekerezo