Gen Kabarebe yongeye kugoboka undi mukinnyi wa Rayon Sports

25

Umukinnyi Senyange Ivan ukinira ikipe ya Rayon Sports arashimira General James Kabarebe wamufashije akamuvuza imvune yaramaranye amezi arenga umunani yagiriye muri Rayon Sports.

Kuva Senyange yagurwa na Rayon Sports yakinnyi imikino yo kwitegura shampiyona ahita avunika akinnye umukino umwe gusa wahuje Rayon Sports na Police FC shampiyona igitangira.

Kuri uyu wa gatanu Senyange yongeye kugaruka mu myitozo nyuma y’uko yaramaze kwibagirana mu mitwe y’abakunzi ba Rayon Sports.

Nyuma y’imyitozo uyu musore yavuze ko ameze neza kandi ko yiteguye gufasha ikipe ye kuko yamaze gukira. Gusa yavuze ko atahamya ko azahita atangira kwitwara neza nk’uko yari amaze akiri muri Gicumbi FC kuko azabanza kugarura imbaraga bucye bucye.

Uyu musore ariko yashimiye cyane Minisitiri w’ingabo General James Kabarebe avuga ko ari we wamuvuje. Ati mbere yo kuvuga ibindi ariko reka mbanze nshimire umugabo, Minisitiri Kaberebe yamvuje ni ukuri yakoze neza ndamushimira cyane kuko iyo ataza kuba we sinzi ko nari kugaruka mu kibuga.

Senyange yavuze ko ari we wihamagariye Minsitiri General James Kabarebe nyuma y’uko ibyo kujya kuvurizwa muri Maroc byari bimaze kwanga kubera kubura ibyangombwa akamusaba ubufasha bwo kwivuza nawe ngo ntiyamugora ahita amwohereza mu bitaro byitiriwe umwami Faisal aramuvuza arakira.

Senyange kandi yavuze ko ari nawe wamufashije kubona umuganga umufasha kubaka umubiri agakira imvune neza. Ati :” yampamagariye muganga Rutamu amfasha ku myitozo ituma nkira neza Rutamu niwe wamfashije gukira imvune neza.

Senyange abaye umukinnyi wa kabiri wa Rayon Sports uvujwe na General James Kabarebe nyuma ya Faustin Usengimana yavuje ubwo yaragikina muri Rayon Sports akavunikira ku mukino bakinaga na Gicumbi FC.


Senyange Ivan wavujwe na General Kabarebe

Uretse aba bakinnyi ba Rayon Sports General James Kabarebe asanzwe azwiho gufasha cyane abakinnyi b’umupira w’amaguru mu Rwanda, benshi mu bakinnyi ba APR FC usanga bamushimira ubufasha butandukanye abaha iyo bagize ibibazo byaba iby’uburwayi cyane n’ibindi bahura nabyo mu buzima bwa buri munsi.

General Kabarebe ariko kandi ni umwe mu bayobozi bakuru b’igihugu bazwiho gukunda imikino dore ko uretse kuba perezida w’icyubahiro wa APR FC anakunzi gukurikirana imikino ibere mu Rwanda irimo n’iy’ikipe y’igihugu.

General Kabarebe kandi asanzwe ari umufana ukomeye w’ikipe ya Arsenal yo mu Bwongereza anahuriyeho na Perezida wa Repubulika y’u Rwanda Paul Kagame.

Yisangize Inshuti.

Ibitekerezo 25

  1. Bamuhaye na Ferwafa akayiyobora nayo ko ntavangura makipe agira.Twe abafana ba rayon tuzanamugira umujyanama

  2. Bamuhaye na Ferwafa akayiyobora nayo ko ntavangura makipe agira.Twe abafana ba rayon tuzanamugira umujyanama

  3. Yooooo umugabo nyamugabo noho ureke abirwa bayarya bayarwaniramo bayanyereza Imana uguhe kurama afande

  4. UYU MUGABO NI UMUKUNZI WA SPORT MURI RUSANGE ARIKO FOOT HO NI AKARUSHO IMANA IKOMEZE KUMUHA UMUTIMA WO GUFASHA AHO BISHOBOKA ,NIBYIGICIRO KUGIRA UMUYOBOZI NKUYU ,BIG UP TO HIM.

  5. UYU MUGABO NI UMUKUNZI WA SPORT MURI RUSANGE ARIKO FOOT HO NI AKARUSHO IMANA IKOMEZE KUMUHA UMUTIMA WO GUFASHA AHO BISHOBOKA ,NIBYIGICIRO KUGIRA UMUYOBOZI NKUYU ,BIG UP TO HIM.

  6. Nkumunyarwanda nkumufana wa rayon sport turagushimiye kuko ukora ibyo ukebeweho nibake bakwitabgira gukorera umwana wundi nkibyo ahubwo nubumuntu numutima wimpugwe afande wacu yifitiye turamushyigikiye turamukunda turamufana biranashimishije ko abikorera umukinnyi wa rayon kuko ubundi muri foot abafana ntibajya bahuza ariko iyo ni urugero rwiza imana ibahe umugisha

  7. Nkumunyarwanda nkumufana wa rayon sport turagushimiye kuko ukora ibyo ukebeweho nibake bakwitabgira gukorera umwana wundi nkibyo ahubwo nubumuntu numutima wimpugwe afande wacu yifitiye turamushyigikiye turamukunda turamufana biranashimishije ko abikorera umukinnyi wa rayon kuko ubundi muri foot abafana ntibajya bahuza ariko iyo ni urugero rwiza imana ibahe umugisha

  8. Nkumunyarwanda nkumufana wa rayon sport turagushimiye kuko ukora ibyo ukebeweho nibake bakwitabgira gukorera umwana wundi nkibyo ahubwo nubumuntu numutima wimpugwe afande wacu yifitiye turamushyigikiye turamukunda turamufana biranashimishije ko abikorera umukinnyi wa rayon kuko ubundi muri foot abafana ntibajya bahuza ariko iyo ni urugero rwiza imana ibahe umugisha

  9. 1 | 2 | 3

Tanga Igitekerezo