FERWAFA yemeje ibihano kuri Rwamagana City yamburwa amahirwe yo kuza mu cyiciro cya mbere

3

Ishyirahamwe ry’umupira w’amaguru mu Rwanda ryemeje ko Rwamagana iterwa mpaga ndetse ikamburwa umwanya yatsindiye wo kuza mu cyiciro cya mbere isimbuzwa Miroplaste.

Rwamagana izize ko tariki ya 11/6/2017 ubwo yakinaga umukino ubanza wa 1/2 na Miroplaste yakinishije umukinnyi Micomyiza Pio kandi yari yaramukuye kuri liste y’abakinnyi bayo ndetse aranasimbuzwa ku rutonde rw’abakinnyi yari yemerewe gukomeza gukinisha muri shampiyona.

Ibi byatumye Miroplaste iregera FERWAFA ko Rwamagana yakinishije umukinnyi utemewe , ibi nibyo FERWAFA igendeyeho itera mpaga ikipe ya Rwamagana muri uyu mukino ubanza wayihuje na Miroplaste .

Rwamagana yari yatsindiye kuzamuka mu cyiciro cya mbere isezereye iyi Miroplaste mu mukino yombi umukino ubanza amakipe yombi yari yanganyije ibitego 2-2 naho uwo kwishyura Rwamagana itsinda igitego kimwe ku busa.

Ibi rero bivuze ko Miroplaste na Isonga FC arizo zigomba kuzamuka mu cyiciro cya mbere.

Yisangize Inshuti.

Ibitekerezo 3

Tanga Igitekerezo