Euro2016: UEFA yatangaje ibihano bikarishye byafatiwe igihugu cy’Uburusiya

Abafana b’Uburusiya bashotoye ab’Ubwongereza

Ishyirahamwe ry’umupira w’amaguru ku mugabane w’Uburayi (UEFA) ryatangaje ko rihanishije Uburusiya kwishyura amande angana n’amayero ibihumbi 150 (€150,000) kubera imyitwarire yaranze abafana b’iki gihugu Mu mukino w’igikombe cy’Uburayi wabahuje n’Ubwongereza tariki ya 11 Kamena 2016.

Kuri uyu wa kabiri tariki 14 Kamena 2016, Ishyirahamwe ry’umupira w’amaguru k’umugabane w’Uburayi UEFA ribicishije ku rubuga rwabo rwa Twitter batangaje ko bahanishije igihugu cy’Uburusiya kwishyura amayero angana n’ibihumbi 150 (€150,000) ndetse no gusezererwa mu marushanwa igihe cyose abafana babo bakongera kugaragarwaho n’imyitwarire mibi.

UEFA ishinja abafana b’Uburusiya kurenga igice bagenewe muri Stade bakajya kurwana n’abafana b’Ubwongereza ibintu byanatumye bamwe mu bafana b’Uburusiya bahita basubizwa iwabo icyo gihe.

N’ubwo UEFA yafatiye ibihano igihugu cy’Uburusiya, Vitaly Mutko ushinzwe imikino mu gihugu cy’Uburusiya yari yatangaje ko adakeka ko Uburusiya bwafatirwa ibihano kuko we yari yavuze ko hari uburyo ibintu byarangizwa neza mu mahoro.


Umufanaw’U Burusiya atera umwongereza umugeri mu nda


Imvururu mu bafana zakomerekeyemo benshi

Yisangize Inshuti.

Ibitekerezo

Tanga Igitekerezo