Euro 2016: Portigal ya Ronaldo inaniwe kwikura imbere ya Hungary izamuka ku mahirwe

6

Mu mikino y’igikombe cy’Uburayi ikomeje kubera mu Bufaransa ikipe ya Portigal iananiwe gutsinda ikipe ya Hungary banganye ibitego 3-3, Portigal irangije imikino y’amatsinda idatsinze umukino izamuka ku mahirwe ikaba igomba guhura na Croatia ya Modric na Rakitic.

Hungary niyo yabanje gufungira amazamu muri uyu mukino igitego cyatsinzwe na Zoltan Gera nyuma Portigal yishyurirwa na Nani ariko Hungary iza gutsinda igitego cya kabiri cyatsinzwe na Balazs Dzsudzsak .

Ronaldo yaje kwishyura amakipe yombi anganya ibitego 2-2 ariko Hungary yongera kubabaza abanya Portigal itsinda igitego cya 3 cya Balazs Dzsudzsak. Ronaldo ariko yaje kongera guheka igihugu cye yishyura igitego cya gatatu.


Portigal izahura na Croatia muri 1/8

Umukino waje kurangira amakipe yombi anganya ibitego 3-3, muri iri tsinda kandi ikipe ya Autriche yatsinzwe na Iceland ibitego 2 kuri 1.

Hungary yahise iyobora itsinda n’amanota 5 ikurikirwa na Iceland ifite amanota 4 zihita zinakomeza, Portigal yabaye iya 3 ikaba inazamutse ku mahirwe nk’ikipe yabaye iya 3 yitwaye neza muri kimwe cya munani izahura na Croatia.

Yisangize Inshuti.

Ibitekerezo 6

Tanga Igitekerezo