Euro 2016: Abafaransa bafunguriye ku ntsinzi igoranye.

Umukino ufungura igikombe cy’Uburayi(Euro 2016) wahuzaga Ubufaransa na Romania urangiye Abafaransa batahukanye intsinzi yabagoye , Dimitri Payet wabanje kwirengangizwa niwe ubonye igitego cy’intsinzi ku munota wa 89.

Uyu wari mukino utari woroheye Ubufaransa kuko bwasabwaga intsinzi byanze bikunze imbere y’abafana babwo basaga ibihumbi 80 bari bari kuri stade de France igice cya mbere cyawo cyarangiye amakipe yobi nta n’imwe ibashije kureba mu izamu ry’indi ari ubusa ku busa amashoti yatewe n’abakinnyi nka Griezmann ndetse na Olivier Giround yose ntiyabashije kuvamo ibitego kuko amwe yagiye hanze andi agakubita imitambiko y’izamu.

Mu gice cya kabiri ku munota wa 57 rutahizamu wa Arsenal Olivier Giround yatsinze igitego cya mbere ku kazi gakomeye kari gakozwe na Dimitri Payet . iki gitego ariko cyaje kwishyurwa na Bogdan Stancu kuri penalite nyuma y’ikosa ryari rikozwe na Patrice Evra.


Ubufaransa bwabonye intsinzi ibagoye.

Ubufaransa bwaje kongeramo ingufu ngo bubone ikindi gitego abakinnyi nka Griezmann na Pogba bavamo hinjiramo abakinnyi nka Anthony Martial na Coman . Ku munota wa 89 Dimitri Payet yaje kuba umucunguzi atsinda igitego cya kabiri cyahesheje intsinzi Abafaransa.

Umukino waje kurangira ku ntsinzi igoranye y’Ubufaransa kuri uyu mukino wafunguraga iyi Euro 2016.

Abakinnyi babanjemo ku mpande zombi n’uko basimburanye.

Ubufaransa(4-3-3): Lloris; Sagna, Rami, Koscielny, Evra; Pogba (Martial 77mins), Kante, Matuidi; Griezmann (Coman 66), Giroud, Payet (Sissoko 90+2)

Abasimbura batakoreshejwe.: Mandanda, Jallet, Cabaye, Gignac, Schneiderlin, Mangala, Digne, Umtiti, Costil

ROMANIA (4-3-3): Tatarusanu; Sapunaru, Grigore, Chiriches, Rat; Stanciu (Chipciu 72), Hoban, Pintilii; Popa (Torje 82), Andone (Alibec 61), Stancu

Abasimbura batakoreshejwe: Pantilimon, Matel, Moti, Keseru, Gaman, Filip, Sanmartean, Prepelita, Lung

Yisangize Inshuti.

Ibitekerezo

Tanga Igitekerezo