Kwamamaza

Imikino

EURO 2016: Cristiano Ronaldo yambuye abanyamakuru ibikoresho abita mu kiyaga

Yanditswe

kuya

na

Jean Louis Uwishyaka
EURO 2016: Cristiano Ronaldo yambuye abanyamakuru ibikoresho abita mu kiyaga

Rutahizamu w’ikipe y’igihugu ya Portugal akaba na kapiteni wayo ndetse agakinira n’ikipe ya Real Madrid, ubwo kuri uyu wa gatatu tariki 22 Kamena 2016 yabazwaga n’abanyamakuru uko ikipe ayoboye mu gikombe cy’uburayi (Portugal) yiteguye umukino wari kubahuza na Hungary, yafashe bimwe mu bikoresho by’abanyamakuru abijugunya mu kiyaga.

Nkuko BBC ibitangaza, iravuga ko ibi byabaye ubwo iyi kipe yari mu myitozo ya nyuma yatugura uyu mukino, ubwo abanyamakuru bamusanze aho ikipe ye yakoreraga imyitozo bakamubaza uko yiteguye umukino wa nyuma mu itsinda rya F bari barimo mu mikino y’igikombe cy’uburayi kiri kubera mu Bufaransa, hanyuma akanga kugira icyo abasubiza, ahubwo ngo bagatungurwa n’uko abatse microphones zabo akazita mu kiyaga.

Diogo Torres ukorera Televiziyo ya CMTV akaba yagezweho n’ubu burakari bwa Cristiano Ronaldo yagize ati “Nabajije Ronaldo niba yiteguye neza uyu mukino, ntiyigeze ansubiza ahubwo yahise anshikuza Microphone yanjye ahita ayijugunya mu kiyaga.”

Yakomeje agira ati: “Ntabwo nzi impamvu yamuteye gukora ibi, gusa ndakeka ko na we byamutunguye kuko ndakeka ko atari kubikora iyo aza kuba yari yabanje kubitekerezaho mbere.”

Gusa nubwo hataramenyekana impamvu yateye iki cyamamare muri ruhago gukora ibi, biravugwa ko iki kinyamakuru cy’iwabo muri Portugal cyaba cyaramwanditseho amakuru ntayishimire bikaba ari byo byatumye akora ibi.

Uyu munyamakuru yatangaje ko kugeza ubu atarasabwa imbabazi na Cristiano Ronaldo ku giti cye cyangwa n’ikipe y’igihugu muri rusange bitewe n’iki gikorwa bakorewe n’umukinnyi wayo.

Cristiano Ronaldo si ubwa mbere ashyamirana n’itangazamakuru bitewe n’uko mu bihe bishize yagiye abazwa ibibazo n’abanyamakuru akanga kubisubiza ndetse rimwe na rimwe bamubaza ibibazo aho kubisubiza agahitamo guhaguruka akigendera.

Tubibutse ko uyu mukino biteguraga ubwo uyu mukinnyi yahohoteraga abanyamakuru, bawunganyijemo ibitego 3-3, byatumye bazamuka mu mikino ya 1/8 cy’igikombe cy’uburayi ku bw’amahirwe kuko bazamutse nk’ikipe ya gatatu mu itsinda yitwaye neza, aho biteganyijwe ko muri iki cyiciro bazahura n’ikipe ya Croatia.

IBITEKEREZO

  • Rknnnnndi Yanditse:

    ubugabo subwanwwa ahuwo ni mumutwe

  • twahirwa cassien Yanditse:

    erega nta mugabo utagira ubwanwa n

  • R2 Yanditse:

    Kano gahungu ko gashaje nabi c kandi?

  • R2 Yanditse:

    Kano gahungu ko gashaje nabi c kandi?

  • bihizi elias Yanditse:

    niba muhamagaze mubutungane kuko yakoze amakosa arihe nivyononekaye

  • BELLY Yanditse:

    Umukinyi wambere kwisi yarurema

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza