Car free day yakomeje ku nshuro ya gatatu ( Amafoto)

Kuri iki cyumweru tariki 14 Kanama 2016, abaturiye Kigali bongeye kubyukira muri sport rusange ku nshuro ya gatatu, igikorwa cyatangijwe n’umujyi wa Kigali kigamije gukangurira abantu kugira umuco wo gukora siporo kugira ngo bakomeze kwirinda indwara ziterwa no kudakora imyitozo ngororamubiri.

Iki gikorwa ni ngaruka kwezi kiba umuhanda uva mu mujyi ukagera Kimironko ufunze nta modoka cyangwa moto zicamo, ukaba ukoreshwa n’abanyamaguru gusa n’amagare gusa.

Abatuye umujyi wa Kigali babyuka bakora siporo bamwe bakava mu mujyi (Car free zone) biruka, abandi bakava kuri sitade I Remera bagahurira Kimihurura ku kigo cy’imisoro n’amahoro bagafatanya kugorora umubiri.

Uretse gukora imyitozo ngororamubiri ariko Kimihurura hanabera n’igikorwa cyo gupima indwara zitandura ziterwa no kudakora imyitozo ngororamubiri, indwara zipimwa ku buntu.

Iki gikorwa cyatangiye mu kwezi kwa gatandatu, kikaba uyu munsi cyabaye ku nshuro ya gatatu.

Ubuyobozi bw’umujyi wa Kigali bukomeza kwemeza ko intego y’iki gikorwa ari uko abatuye uyu mujyi bazagira umuco wo gukora siporo batarindiye kubikangurirwa.


Bamwe bava mu mujyi abandi kuri Sitade Amahoro i Remera bagahurira Kimihurura


Abantu b’ingeri zose baba bitabiriye iyi siporo


Bamwe bakoresha amagare abandi biruka n’amaguru


Biba ari ibyishimo Kimihurura mu myitozo ngororamubiri


Nk’ibisanzwe n’uyu munsi abantu bapimwe indwara zitandura

Yisangize Inshuti.

Ibitekerezo

Tanga Igitekerezo