Mousa Camara ashobora kudakina na Police FC umukino utangiza shampiyona

3

Rutahizamu wa Rayon Sports w’umunya Mali Mousa Camara wavunikiye ku mukino wa gishuti wa AS Kigali ashobora kudakina umukino bazakina na Police FC wo gufungura shampiyona.

Camara yavunitse kuwa gatandatu mu mukino wa gishuti Rayon Sports yatsinzemo AS Kigali ibitego 2 ku busa ibi bitego byose byatsinzwe na Camara ahita anavunika.

Ku wa gatanu tariki 14 ni bwo Rayon Sports izakina umukino wo gufungura shampiyona aho izaba ikina n’ikipe ya Police FC.

Uyu mukino Rayon Sports ishobora kuwukina idafite Camara n’ubwo ngo ububabare bwatangiye kugabanyuka nk’uko twabibwiwe na muganga wa Rayon Sports Mugemana Charles mu kiganiro yagiranye na MAKURUKI

Ati:”Birimo biragabanuka ububabare bwatangiye kugabanuka yatangiye kugenda adacumbagira ejo wenda azatangira gukora imyitozo yoroheje hanyuma nko kuwa gatatu turebe niba yabasha gukora ku mupira.”


Camara yavunitse kuwa gatandatu mu mukino bakinaga na AS Kigali anatsindamo ibitego bibiri.

Muganga avuga ko amahirwe yo kuzakina uyu mukino ari 50% ngo bazafata icyemezo kuwa gatatu tariki ya 12/10/2016.

Ati: ”Haracyari kare ntabwo twabyemeza kuko ntaratangira gukora ku mupira aracyababara, ubu rero amahirwe yo kuzakina ni nka 50% tuzafata icyemezo kidakuka kuwagatatu. Ariko ntidushaka no kumukinisha atarakira neza kuko n’akaruhuko kaba gakenewe dushobora kumureka akazakina umukino ukurikiraho wa Espoir.”



Visi Perezida wa Rayon Sports Martin abaza muganga Mugemana uko rutahizamu wabo ameze nyuma yo kuvunika.

Camara yaje gusimbura rutahizamu mwene wabo w’umunya Mali Ismaila Diarra, uyu rutahizamu arasa n’umaze kwemeza abakunzi ba Rayon Sports ko azabatsindira ibitego kuko yatangiye no kubitsinda.

Mu irushanwa ryateguwe na AS Kigali, Camara ni we wahembwe nka rutahizamu watsinze ibitego byinshi dore ko yatsinze ibitego 5.



Camara yirukankanye na Kodo batanguranwa umupira ageze kuri iki cyuma ahita anyerera avunika mu kagomba mbari.

Yisangize Inshuti.

Ibitekerezo 3

Tanga Igitekerezo