Byemejwe ko SUNRISE ikurwa mu maboko y’intara y’I Burasirazuba

3

Umuyobozi w’intara y’I Burasirazuba yemeje ko ikipe ya Sunrise isanzwe ifashwa n’iyi ntara igomba gukurwa mu maboko yayo igahabwa Akarere kataramenyekana kugira ngo yitabweho n’ako karere ndetse n’abaturage babashe kuyibonamo.

Mu gihe hari hamaze iminsi havugwa ko Sunrise F.C igiye kwimurirwa mu Karere ka Nyagatare, umuyobozi w’intara y’Uburasirazuba Odettte Uwamariya na we yashimangiye ko iyi kipe izagenda gusa akavuga ko Akarere izajyamo ko kataramenyekana ahubwo ko inama y’Inteko rusange ari yo izemeza ako Karere izajyamo.

Guverineri Uwamariya Odette yavuze ko Sunrise F.C igiye guhabwa kamwe mu Turere tugize intara y’iburasirazuba ,kugira ngo yitabweho n’Akarere kamwe ndetse n’abaturage b’ako Karere babashe kuyishyigikira.

Ati “ubu dutereje Inteko rusange ni yo izemeza Akarere Sunrise F.C izahabwa, ariko I Rwamagana ho igomba kuhava kuko hasanzwe indi kipe ya RWAMAGANA CITY na yo iri mu cyiciro cya mbere, bityo nta mpamvu yo kugira amakipe abiri mu karere kamwe. Twashinze Sunrise F.C kuko abaturage bari bamaze igihe bari mu bwigunge nyuma yo gusenyuka kw’ikipe y’Umurabyo yari iyi ntara, ikindi twari tugamije kuzamura impano z’abana b’iburasirazuba.”

Umuyobozi w’intara kandi yagarutse ku bijyanye n’ibibuga, avuga ko hari gahunda yo kubaka ibibuga (stade) mu Turere twa Ngoma , Nyagatare na Bugesera ndetse ko no mu karere ka Rwamagana bategura uburyo hakubakwa sitade kuburyo mu minsi iri mbere hazaba hari ibibuga byiza


Umuyobozi w’intara y’Uburasirazuba Uwamariya Odette yemeje ko Sunrise izimuka.

Umunyamabanga w’iyi kipe Mansul Niyivuga yabwiye Makuruki.rw ko inama y’inteko rusange izagena Akarere iyi kipe izajyamo ariko ko Nyagatare ari yo ihabwa amahirwe.

Ati:” iyi ni ikipe y’abaturage b’intara bose ubwo rero tuzicara turebe akarere twayiha ariko Nyagatare ni yo yari yayifuje, urebye ni nayo ifite amahirwe ariko bizagenwa n’Inteko rusange.”

Uyu muyobozi ariko avuga ko iyi kipe izajya ihora yimuka kugira ngo abaturage bo muri buri karere bayibonemo kuko ari ikipe yabo.

Ati:” ni uko bizagenda urebye ni ko bimeze nk’uko nabivuze iyi ni ikipe y’abaturage bintara bose ubwo rero bose igomba kuzabageraho.”

Niyivuga Mansul avuga ko iyi kipe niyimurwa izakomeza kuyoborwa n’ubuyobozi bwayiyoboraga kugira ngo abayihawe babanze bamenyere. Yongeyeho kandi ko Akarere kazayihabwa katemerewe guhindura izina ryayo kuko ubundi tumenyereye ko Akarere gafashe ikipe gahita kayiyitirira ikitwa izina ry’ako Karere.

Ikipe ya Sunrise yashinzwe biturutse ku myanzuro y’inama y’umutekano y’intara y’iburasirazuba, mu mwaka wa 2011. Yatangiye gukina shampiyona y’icyiciro cya mbere mu mwaka w’imikino wa 2014-2015, ikaba yari mu maboko y’Intara ariko buri Karare kagatanga inkunga ya miliyoni 10 yo kuyifasha.

Ubwo iyi kipe izaba ihawe Akarere, bivuze ko ari ko kazajya kayifasha utundi Turere tukazajya dufasha amakipe asanzwe muri utwo turere. Uretse akarere ka Gatsibo na Kayonza utundi turere dufite ikipe mu cyiciro cya mbere cyangwa icya kabiri muri shampiyona y’u Rwanda.

Yisangize Inshuti.

Ibitekerezo 3

  1. kbs bibaye byiza amwayizanaa nyagatare kandi nimba mushaka ko foot boll itera imbere mujye mubwira abayobozi bayamakipe bamanuke mubyaro harabanu bafite imano yo gukina umupira ariko hakabura ubuvugizi nukuri icyo cyinu muzakigeho footboll izatera imbere murakoze,

  2. ibyo njye kubwanjye ndumva bitazashoboka,ngo ikipe izajya ihora yimuka,nigute akarere katera inkunga ikipe kadafiteho ubushobozi Kd Hari izindi nshingano zihutirwa gafite?nigute Se abaturage bazibona mwikipe iharaye rimwe ejo ikagenda?ese ubwo nyagatare fc irajya he ra? ko yari isanzwe ifashw
    a nakarere?bazemera kuyisenya se Kd na sun rise batayifiteho uburenganzira? yewe ibyumupira wiwacu nagahomamunwa!!!!gusa imyanzuro nkiyi iba ikwiye kwiganwa ubushishozi kuburyo itazasenya bumvaga ko bubaka

  3. Ibyo ntibizakunda nimuyitange ntabyo kuyitiza yegurirwe Burundi uyihawe nimuyitiza yahita imanuka mucya kari akokanya

Tanga Igitekerezo