Bidatinze Ronaldo yasubije Xavi uherutse kumushyira munsi ya Messi.

1

Christiano Ronaldo umunya Portigal ukinira ikipe ya Real Madrid yasubije Xavi Hernandez uherutse kumushyira munsi ya Messi avuga ko adakwiye guterwa ikibazo n’ibyo yavuze ndetse anamucyurira ko atagira Ballon d’Or.

Xavi Hernandez wakiniye FC Barcelona akanayibera kapitene aherutse kuvuga ko Ronaldo ari umukinnyi mwiza Isi yose ibibona ariko avuga ko atagereranywa na Messi .

Xavi yavuze ko ariwe ari n’abandi bantu bose bakurikirana umupira w’amaguru bazi neza ko Messi atagereranywa na Ronaldo kuko Messi ari umukinnyi wa mbere ku Isi yose kandi ibihe byose.

Xavi yavuze ko abantu bagereranya Ronaldo na Messi ari abafana Real Madrid gusa n’aho ku bandi ngo Messi ntiwamugereanya na Ronaldo.

Ronaldo aganira na Radiyo yo muri Esipanye Cadena Ser bamubajije kubyo yavuzweho na Xavi maze atangira atera urwenya ati:”Umuntu ushakishwa cyane n’abakinnyi kuri interineti ni jyewe!,ushaka kumenyakainisha ibinyamakuru n’abashaka kumvikanisha ibyo bavuga bamvugaho.”

Ronaldo yavuze ko nta kibazo atewe n’ibyo xavi yamuvuzeho kandi ko atagira na Ballon D’or mu gihe we afite 3.

Ati:”Ni ikihe kibazo kiri kurijyewe kubyo Xavi yavuze? Akina hehe? Muri Qatar cyangwa hehe?si mbizi. Yatwaue ibikombe byose ariko ntiyatsindiye Ballon d’Or, jyewe mfite eshatu”

Aba bagabo bombi bamaze imyaka igera kuri 5 bakina mu makipe ahanganye bikomeye ariyo Real Madrid ya Ronaldo ndetse na FC Barcelona yakinwagamo na Xavi wanakinanaga na Messi.

Xavi ubu akina muri Qatar aho ari gukinayo umwaka wa kabiri nyuma yo kuva mu ikipe ya FC Barcelona.

Ronaldo kandi muri iki kiganiro yabajijwe ku masezerano ye ari kugana ku musozo cyane ko yanatangiye kuvugwaho byinshi ko ashobora kuzagora Real Madrid kongera amasezerano maze avuga ko we ahubwo iyo aba umuyobozi wa Real Madrid yakwiha amasezerano y’imyaka 10 kuko yumva ariho azasoreza umupira

Ati:”Iyomba umuyobozi wa Real Madrid nakwiha amasezerano y’imyaka 10, ubu nta kintu nibaza ku mwuga wange. Icyo nshaka ni ukurangiriza umupira w’amaguru muri Real Madrid iyi ni ikipe ikomeye ku Isi igomba no kugira abakinnyi beza.”

Yisangize Inshuti.

Ibitekerezo 1

Tanga Igitekerezo