Umweyo uravuza ubuhuha muri Manchester United, 9 barimo Schweinsteiger basezerewe

3

Umutoza mushya w’ikipe ya Manchester United Jose Mourinho kuri ubu yashyize hanze abakinnyi agomba kuzaba atari kumwe na bo muri uyu mwaka w’imikino wa 2016/2017, aho abagera ku 9 bagomba gusohoka muri iyi kipe bayobowe na kapiteni w’ikipe y’igihugu cy’Ubudage Bastian Schweinsteiger.

Byagiye bivugwa kenshi ko uyu mugabo w’unyaportugal nagera mu ikipe ya Manchester United hari abakinnyi benshi azasezerera.

ibitangazamakuru byagiye bigaruka ku bakinnyi benshi uyu mugabo azasezerera ariko bwa nyuma na nyuma nk’uko Dailymail ibitangaza yashyize hanze urutonde rw’abakinnyi 9 yasezereye mu ikipe ya Manchester United.

Ku rutonde rwashyizwe ahagaragara rw’abakinnyi 9, bayobowe na kapiteni w’Ubudage wanatwaye igikombe cy’isi cya 2014 ari we Bastian Schweinsteiger ndetse n’abandi nka Cameron Borthwick-Jackson, Timothy Fosu-Mensah, Andreas Pereira, James Wilson, Adnan Januzaj, Will Keane, Tyler Blackett na Paddy McNair.

Nyuma yo kubona uru rutonde abakunzi b’iyi kipe ntibemeranyije na Mourinho kuba yarekura abakinnyi nka Schweinsteiger ndetse na Timothy Fosu-Mensah kuko babona iyi kipe yari ikibakeneye.

Yisangize Inshuti.

Ibitekerezo 3

Tanga Igitekerezo