Bakame arasobanura itandukaniro rya Masudi n’abatoza 7 bamutoje muri Rayon Sports

6

Kapitene w’ikipe ya Rayon Sports Ndayishimiye Eric Bakame avuga ko umutoza w’ikipe ya Rayon Sports arusha abandi batoza bamutoje kwisanzurana n’abakinnyi ibintu ngo bituma banamwibonamo cyane.

Ndayishimiye Eric Bakame arimo gukina umwaka we wa kane muri Rayon Sports akaba yarayijemo avuye muri APR FC, muri iyi myaka ine yatojwe n’abatoza 8 barimo na Masudi Djuma uyitoza ubungubu.

Muri aba batoza umunani barimo abazungu 5, Didier Gomez, Luc Elmael, Jean Francois Losciuto, David Donadei na Ivan Minnaert harimo kandi abirabura barimo Andy Mfutira, Hamana Sosthene ndetse na Masudi utoza ubungubu.

Muri aba batoza umunani, Bakame avuga ko ikintu cy’ingenzi Masudi abarusha ari ukwisanzuranaho n’abakinnyi ibintu ngo binatuma ikipe itahiriza umugozi umwe.

Bakame yagize ati:”Navuga ko Masudi ari umutoza ugerageza kwisanzura ku bakinnyi tugatera blague ( tugatebya) ariko iyo bigeze mu kazi akagaha agaciro. Ni umutoza twisanzuraho n’iyo tugize ikibazo turamwegera tukakimubwira, bitandukanye n’abandi batoza wenda twagiye duhura na bo.

.....Turicara tugatahiriza umugozi umwe tukamubwira tuti turifuza ko byagenda gutya na gutya na we akatwumva kandi na we akadusaba ibyo tumufasha. Ni ibintu bidushimisha bituma tumwibonamo.”


Masudi Djuma n’abakinnyi mu myitozo

Bakame avuga ko Masudi yahinduye cyane umukino wa Rayon Sports bivuye ku mitoreze ye isaba abakinnyi kugumana umupira no kuwuhanahana.

Ati:”Akunda ikipe ikina umupira ntabwo akunda abantu batera imipira imbere cyane, mbese akunda abantu bakina umupira wo hasi batembereza umupira, jye ku giti cyange mbona ko umupira wa Rayon Sports wahindutse.”

Masudi Djuma yaje muri Rayon Sports mu kwezi kw’Ukuboza umwaka ushize wa 2015 yungirije Ivan Minnaert ariko muri Gashyantare 2016 aza guhabwa ikipe nk’umutoza mukuru ndetse ahita anayihesha igikombe cy’Amahoro.

Yisangize Inshuti.

Ibitekerezo 6

  1. Turamwemera kd turamukunda kuko aratsinda numuhangape nuwambere hanomu rwanda uramwemera yanga gikundiro yacu!!!

  2. Nanjye namubonye Rszi,mbona ukuntu aba akina nabakinnyi mumyitozo,bajya impaka,ndavuga nti uyu ni umutoza pe!sibabandi baba bameze nkamalobo!congs rayon malgré ibibazo byawe bidashira.

  3. uyu mutoza wacu ntamuntu utamwemera kuko mugihe gito ahamaze yitwaye neza cyane kandi aratanga nicyizere cyejo hazaza hikipe. icyo dusaba ubuyobozi bwikipe yacu ntibazamuvangire kandi icyo azaba akeneye kugirango ibintu birusheho kugenda neza bage bakimuha badatindiganyije kuko APR ishobora kumushoraho akayabo bakamujyana doreko amaze kubazonga kenshi! mbona muri recritement bagiye bamureka akabyikorera byaba byiza kurushaho kuko niwe uba azi aho intege nke zikipe ziherereye. icyindi kandi bage bamuha contract yigihe kirekire nkababatoza biburayi. Masudi we turakwemera nawe ntuzaduteze rubanda. mukomeza mugire ibihe byiza.

Tanga Igitekerezo