Amikoro atumye Gicumbi FC yanga gukina iterwa mpaga na Kiyovu Sports

4

Umukino wari guhuza ikipe ya Gicumbi FC na Kiyovu Sports, birangiye Gicumbi FC ibuze ku kibuga iterwa mpaga y’ibitego bitatu ku busa ku munsi wa 29 wa shampiyona y’icyiciro cya mbere mu Rwanda .

Kuri uyu wa kabiri nibwo abakinnyi ba Gicumbi FC batangaje ko batazakina uyu mukino niba batishyuwe ibirarane by’amezi 4 . Rucogoza Aimable Mambo yari yavuze ko abakinnyi bose bitahiye kandi ko batakomeza gukina babona badahembwa kandi nta n’aho babona amafaranga azava.

Ibi rero byaje kurangira Kiyovu Sports igiye ku kibuga ibura ikipe bakina kuko Gicumbi itigeze igera ku kibuga. Ubwo umunyamakuru wa makuriki.rw yageraga ku kibuga yasanze ikipe ya Kiyovu Sports iri kwishyushya yitegura umukino ariko birangira Gicumbi FC itahageze umusifuzi ahita ayitera mpaga.

Gicumbi FC yari ikipe ikomeye umwaka ushize yanabashije gutsinda amakipe yose akomeye arimo APR. Rayon Sports, Police FC n’ayandi ndetse inarangiza ku mwanya wa gatandatu gusa kuva ubuyobozi bw’Akarere ka Gicumbi bwahinduka iyi kipe yahise itangira kubaho nabi idahembwa bigera aho umutoza Ruremesha yegura ariko nyuma aza kugaruka none birangiye itewe mpaga.

Nta cyizere ko ikipe ya Gicumbi izakina umukino utaha kuko nta gihe izahemberwa abayobozi batangaza. Ibi byaherukaga kubaho mu mwaka wa 2012 ubwo ikipe ya Kiyovu Sports yangaga kujya gukina na Mukura VS I Huye nayo abakinnyi banze gukina kubera kudahembwa.

Yisangize Inshuti.

Ibitekerezo 4

Tanga Igitekerezo