Kwamamaza

Imikino

Amavubi ntiyahiriwe n’umukino wayahuje na Centrafrica

Yanditswe

kuya

na

Jean Paul Niyitanga
Amavubi ntiyahiriwe n’umukino wayahuje na Centrafrica

Umukino wa mbere w’Amavubi mu majonjora yo gushaka itike yo kwerekeza mu marushanwa y’igikombe cya Afurika warangiye Centrafrica itsinze ibitego bibiri kuri kimwe cy’Amavubi.

Uyu wari umukino ubanza mu itsinda rya H aya makipe yombi aherereyemo aho ari kumwe na Cote d’Ivoire na Guinea Conakry. Ni imikino igamije gushaka itike yo kwerekeza mu mikino yo guhatanira igikombe cy’Africa kizabera muri Cameroon muri 2019.

Igice cya Mbere cy’umukino cyarangiye ari ubusa ku busa maze mu minota ya mbere y’igice cya kabiri ikipe y’igihugu ya Cetrafrica ihita ifungura amazamu n’igitego cyatsinzwe na Junior Gourrier.

Umutoza w’Amavubi Antoine Hey yahise akora impinduka mu ikipe maze Amavubi yongera umurengo wo gusatira ikipe y’igihugu ya Centrafrica.

Ahagana ku munota wa nyuma w’umukino nibwo Sugira Ernest w’ikipe y’Amavubi yabonye igitego cyo kwishyura ikipe y’igihugu ya Centrafrica ariko ako kanya bidatinze Centrafrica ihita yishyura icyo gitego birangira ari ibitego bibiri bya Centrafrica kuri kimwe cy’Amavubi.

Ikosa ryatumye Amavubi atsindwa igitego cya kabiri ryaturutse ku kuba abakinnyi b’amavubi baheze mu kwishimira igitego bari bamaze kubona maze Centrafrica ihita yiba umugono Amavubi iyatsinda igitego cya kabiri bituma amavubi atakaza umukino wa mbere.

Ku rundi ruhande ariko ikipe ya Guinea Conakry yitwaye neza ku munsi w’ejo, kuko yatsindiye ikipe ya Cote d’Ivoire iwayo, ibitego 3 kuri 2.

Amavubi yahagurutse i Kigali kuri uyu wa gatanu mu gitondo agera i Bangui saa 15H30 ku isaha yo mu Rwanda, aho yakiriwe n’abanyarwanda benshi baba mu gihugu cya Centrafrica, iyi kipe izagera i Kigali mu ijoro ryo kuri uyu wa mbere rishyira kuwa kabiri.

Abakinnyi babanje mu kibuga ku mpande zombi:

Centrafrica: Lembet ,Ngam ngam, Keita, Zimbori, Eloge Eloge, Enza Yamissi - Anzite, Amos Youga , Gourrier Junior - Mabide, Foxi , Momi.

Rwanda: Ndayishimiye Eric, Salomon Nirisarike, Emery Bayisenge, Thierry Manzi, Rusheshangoga Michel, Mugiraneza Jean Baptiste, Djihad Bizimana, Emmanuel Imanishimwe.

IBITEKEREZO

  • RUKUNDO FRANCOIS Yanditse:

    AMAVUBI AZAZAKWISHURARYARI ?

  • Vuguziga Yanditse:

    JYE MBONA UBUHANGANGE BWAMAKIPE. YACU BURANGIRIRA KURI SITADE. AMAHORO!!!

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza