Abasenateri batumiye abayobozi b’imikino babura n’umwe barikubura barataha

3

Komisiyo ishinzwe imibereho myiza y’abaturage, Uburenganzira bwa muntu n’ibibazo by’abaturage muri Sena y’u Rwanda, yatumiye abayobozi b’amashyirahamwe y’imikino mu Rwanda ngo baganire ku iterambere ry’imikino ariko barabategereza amaso ahera mu kirere barinda bataha nta n’umwe babonye.

Ibi biganiro byari gutangira ku isaha ya saa tatu zuzuye ku isaha yo mu Rwanda bikabera mu cyumba cy’inteko rusange y’abasenateri. Umunyamakuru wa Makuruki.rw yahageze saa tatu zibura iminota 2 isanga abasenatiri bahageze bategereje aba bayobozi b’imikino.


Abasenateri bahageze barindira abayobozi ba za federations baraheba

Aba basenateri bakomeje gutegereza bigera ku isaha ya saa tatu n’iminota nta muyobozi n’umwe uraza bahita bafata icyemezo cyo gusubika ibi biganiro.

Umuyobozi w’iyi komisiyo Niyongana Callican yavuze ko batanze ubutumire ndetse bakanakomeza kuvugana na Minisiteri ifite imikino mu nshingano

Gusa avuga ko na bo batazi impamvu aba bayobozi bataje ati:" natwe impamvu bataje ntabwo twayimenye ariko ubutumire tuzi ko twabubahaye bwanabagezeho ndetse dukomeza kuvugana na Minisiteri mu buryo bwo kugirango tumenye niba koko bwarabagezeho ariko Minisiteri yo yatubwiye neza ko ubutumire bwagiye kandi bwabagezeho baranabibukije"

Tumubajije igikurikiraho uyu muyobozi yagize ati:" igikurikiraho nyine ubwo inama turayisubitse turibuvugane na bo tuzamenya ikizakurikiraho"


Bageze aho bafata icyemezo cyo gusubika inama baritahira

Nyuma yo gusubika ibi biganiro umunyamakuru wacu yasohotse mu cyumba ibi biganiro byari kuberabo ahura n’umuyobozi w’umukino wa Echaique ndetse n’uwa tennis yo kumeza bose bemeza ko n’ubwo bakererewe ariko ubutumire babubonye buciye kur Email.

Ganza Kevin ukuriye ishyirahamwe rya Echaique, umwe muri aba baje nyuma na we yahamije ko ubutumure babubonye n’ubwo yaje yakererewe agasanga inama isubitswe

Ati" ubutumire twarabubonye bunyuze kuri email nkaba nabwitabiriye naje kuganira nabo, jyewe nari nahageze nziko iyi gahunda ihari gusa nje ntinzeho gato ariko ubwo isubitswe buriya hari undi munsi izaba."


Ganza yobora Echaique waje nyuma

Semigabo Eugene uhagarariye ishyirahamwe ry’umukino wa tennis yo ku meza (table tennis) we yavuze ko yakererewe kubera abasaka bari bafite abantu benshi. Ati:" jyewe ntabwo nakererewe cyane nahageze saa tatu nk’uko byari biteganyijwe ariko kubera umurongo w’abasakwa byabaye ngombwa ko umuntu atakaza iminota 30"


Semigabo uyobora Table tennis na we yaje nyuma

Iyi komisiyo yavuze ko yari yatumiye aba bayobozi ngo barebere hamwe uko imikino ihagaze ndetse no ku iterambere ryayo kuko aribo bafatanya bikorwa ba mbere.

Yisangize Inshuti.

Ibitekerezo 3

Tanga Igitekerezo