Messi ni we mukinnyi uhenze ku isi, Cristiano Ronaldo yakuwe ku mwanya wa kabiri

3

Rutahizamu w’ikipe ya FC Barcelona Lionel Messi, yongeye kuyobora urutonde rw’abakinnyi bahenze ku Isi mu gihe mugenzi we Neymar yakuye Cristiano Ronaldo ku mwanya wa kabiri.

Uru rutonde rwasohowe na sosiyete ya CIES Football Observatory yerekanye ko agaciro k’abakinnyi bakina umupira w’amaguru, aho yerekana ko Lionel Messi ayoboye urutonde rw’abakinnyi bahenze ku isi. Iyi sosiye yerekana ko umuntu ushaka Messi byibuze yatanga miliyoni 163 z’amapawundi akoreshwa mu Bwongereza.

Neymar Santos Junior, umunya Brazil yakuye ku mwanya wa kabiri Cristiano Ronaldo wari usanzwe awufite, aho we ushaka kumugura yamutangaho miliyoni 155 z’amapawundi.

Cristiano Ronaldo wari ku mwanya wa kabiri ku rutonde ruheruka, ubu yaje ku mwanya wa gatatu, we ushaka kumugura yatanga miliyoni 106 z’amapawundi.

Aba ni bo bakinnyi bonyine bafite agaciro k’amapawundi agera muri miliyoni 100 kuko ukurikiraho ku mwanya wa kane ari Antoine Griezman, umufaransa ukinira ikipe ya Atletico Madrid, we akaba afite agaciro k’amapawundi miliyoni 93.

Akurikirwa n’abakinnyi 2 bakina mu Bwongereza Harry Kane ukinira Tottenham uri ku mwanya wa 5 ndetse na Anthony Martial wa Manchester United uza ku mwanya wa 6.

Urutonde rw’abakinnyi 20 ba mbere n’agaciro kabo

1. Lionel Messi (Barcelona) - £163m
2. Neymar (Barcelona) - £155m
3. Cristiano Ronaldo (Real Madrid) - £106m
4. Antoine Griezmann (Atletico Madrid) - £93m
5. Harry Kane (Tottenham) - £87m
6. Anthony Martial (Man United) - £86m
7. Luis Suarez (Barcelona) - £81m
8. Paulo Dybala (Juventus) - £80m
9. Sergio Aguero (Man City) - £75m
10. Paul Pogba (Juventus) - £70m
11. Gareth Bale (Real Madrid) - £62m
12. Eden Hazard (Chelsea) - £60m
13. Alexis Sanchez (Arsenal) - £58m
14. Dele Alli (Tottenham) - £58m
15. Thomas Muller (Bayern) - £57m
16. Raheem Sterling (Man City) - £56m
17. Robert Lewandowski (Bayern) - £52m
18. Alvaro Morata (Juventus) - £50m
19. Toni Kroos (Real Madrid) - £48m
20. Gonzalo Higuain (Napoli) - £47m

Yisangize Inshuti.

Ibitekerezo 3

Tanga Igitekerezo