Igitutsi ku mupira w’u Rwanda, AZAM FC niramuka ije guhesha Rayon Sports igikombe

19

Ubuyobozi bwa FERWAFA bwamaze kwemeza ko tariki ya 8 Kamena 2017 ikipe ya Rayon Sports izahabwa igikombe ku mukino wa gishuti uri gutegurwa ku bufatanye bwa Rayon Sports, FERWAFA n’umuterankunga wa shampiyona Azam.

Mu majwi havugwa ikipe ya AZAM FC ko ariyo izaza mu Rwanda igakina umukino wa gishuti na Rayon Sports mu gihe shampiyona izaba itararangira.

Ibi ni ubwa mbere bibaye ko ikipe ikina umukino wa gishuti wo guhabwaho igikombe n’ikipe ivuye hanze y’igihugu mbere y’uko shampiyona irangira.

Intango y’ibi byose ni ihangana rihora hagati ya Rayon Sports na FERWAFA, Rayon Sports yandikiye FERWAFA iyisaba ko yahabwa igikombe yatsindiye ku mukino yakiriyemo APR FC. Impamvu Rayon Sports yatangaga ngo ni uko ariwo mukino wonyine yari isigaje kwakira kandi ko yifuzaga kwakira igikombe ku mukino yakiriye kugirango ibone uko itegura ibirori neza.

FIFA amategeko yayo ateganya ko niba ikipe itwaye igikombe shampiyona itararangira igihabwa ku mukino yakiriye muyo isigaje, ibi bisa n’aho ari nabyo byakurikijwe muri shampiyona ya 2014-2015 ubwo APR FC yahabwaga igikombe kuri sitade Amahoro yakiriye Isonga FC mu gihe yari isigaranye umukino wa nyuma yagiye gukinira I Rwamagana na Sunrise.

Kuri iyi nshuro ariko FERWAFA ntiyabyemeye ahubwo yavuze ko Rayon Sports izahabwa igikombe ku mukino wa nyuma izakina na Kiyovu Sports . Rayon Sports nayo ibi yarabyanze ivuga ko itakwakira igikombe ku mukino itateguye ndetse ivuga ko nitagihabwa ku mukino yifuza ubwo FERWAFA yazashaka umukino wa gishuti ikiyiheraho.


Rayon Sports yarahakanye iratsemba ko izakira igikombe ku mukino wa Kiyovu Sports

Ese iki si igitutsi ku gihugu?

Ku giti cyanjye nicaye nibaza impamvu hategurwa umukino wa gishuti ngo ikipe yo hanze ize iheshe Rayon Sports igikombe cya shampiyona nsanga bisa n’igitutsi ku gihugu. FERWAFA yavugaga ko Rayon Sports itahabwa igikombe shampiyona itararangira ariko se kuki ubundi igiye kugihabwa kandi n’ubundi itararangira byongeye noneho ikaba igiye kugihabwa n’ikipe iturutse hanze mu mukino wa gishuti?.

U Rwanda ni kimwe mu bihugu bikiri bito mu mupira w’amaguru niyo mpamvu ibyo dukora byose turebera ku bindi bihugu. Narebye mu mateka nsanga nta handi ibi byabaye ko ikipe itwara igikombe cya shampiyona hagategurwa umukino wa gishuti n’ikipe ivuye hanze y’igihugu wo kukiyiha kandi iyo shampiyona itararangira .

Rayon Sports yatwaye igikombe ikibura imikino ine ngo shampiyona irangire. Ubu muri iyi mikino yose habuzemo uwo bategura bayiheramo igikombe ku buryo igisubizo cyabaye kwiyambaza ikipe ivuye mu kindi gihugu?

Ibi bitera kwibaza niba mu makipe 4 Rayon Sports yakinnye nayo yaratwaye igikombe cya shampiyona harabuzemo umwe watangwaho igikombe. Rayon Sports nyuma yo gutwara igikombe yakinnye na Pepinieres ikurikizaho Etincelles, ikurikiazaho APR FC ubu iracyafite umukino na Kiyovu Sports .

Iyi mikino yose habuzemo utangwaho igikombe ndetse n’usigaye wa Kiyovu Sports igisubizo kibaye ko hitabazwa ikipe ivuye hanze ngo ize ikemure ikibazo cyananiye FERWAFA na Rayon Sports .

FERWAFA ntiratangaza ikipe izaba yakinnye na Rayon Sports ubwo izaba iyiha igikombe.Havugwa AZAM FC ariko yaba yo itaba yo biragayitse cyane.Niba Rayon Sports yarasabye FERWAFA guhabwa igikombe ku mukino wa gishuti shampiyona itararangira, ni umutego FERWAFA bayiteze.

Nawe se , bishoboka bite ko Federasiyo itanga igikombe ku mukino utari uwa shampiyona byongeye imwe mu makipe yakinnye itari no muri shampiyona, kandi shampiyona nyirizina itanarangira?

Uretse kuba ibi bidahesha isura nziza umupira w’amaguru mu Rwanda ndetse n’igihugu muri rusange bizanabangamira ikipe y’igihugu n’umutoza wayo kuko tariki ya 8 Kamena (kuri uwo mu kino) uyu mutoza azasabwa kurekura abakinnyi ba Rayon Sports bari mu Mavubi kugirangpo bajye gukina uwo mukino mu gihe hazaba habura iminsi 3 gusa ngo akine na Centrafrique.

Real Madrid na yo yanze gufatira igikombe ku kibuga kitari icyayo

Ibyo Rayon Sports yakoze byo kwaga kwakirira igikombe ku mukino itakiriye, n’ikipe ya Real Madrid yarabikoze uyu mwaka. Iyi kipe yatsinze umukino uyihesha igikombe ku munsi wa nyuma wa shampiyona ubwo yari yasuye Malaga.

Real Madrid yanze gufatira igikombe kwa Malaga ndetse na n’ubu ntabwo iragifata gusa yo ntabwo yakoze nk’ibi byo mu Rwanda ngo nayo itumire ikipe mu mukino wa gishuti ahubwo yumvikanye n’abayobora umupira w’amaguru wabo ko izagihabwa mu ntangiriro za shampiyona itaha.

Ni bibaho AZAM FC ikaza, ntaho bizaba bitaniye no gusuzugura amakipe y’imbere mu gihugu no gutesha agaciro shampiyona y’u Rwanda.

Ubu ni ubusesenguzi bw’umwanditsi

Yisangize Inshuti.

Ibitekerezo 19

  1. Ariko tujye tureka amarangamutima hari itegeko riha Rayon Sport ko yahabwa igikombe kuri match ya APR.FC cg kwari kwihimura ibirego murega Degaule nukumwanga si gusa mubona igitutu cya Rayon haricyo cyatwara Ferwafa akantu kose Degaule mwatuza ko ntacyo muzamutwara.

  2. oooooo!!!!????? povre federation murababaje shenge bazabasubize mwitorero mujye kwiga isomo bita kwihesha agaciro

  3. Ibisigayebibera mumupira wamaguru murwanda nagahomamunwa bakosore akokavuyo igikombe bagitange niyohaba kuri much yagishuti ariko ari ekipe yomugihugucyacu kandi nayo
    Yaritabiriye champion

  4. Football yaratunaniye, ahubwo dusabe président Paul Kagame inkunga yo kugura télévision za rutura ubundi tujye twirebera match zo mubindi bihugu kuko mu Rwanda byaratunaniye. Gusa ikipe ishoboye nka Rayon Sport bayitransferer ijye gukina championnat zo hanze kuko irashoboye.

  5. BAVANDIMWE BANJYE NDIKUBONA MUPFA UBUSA,AZAM FC YAKINA NA RAYON BITAKINA,AMAKOSA NI AYA FERWAFA.KERETSE NIBA BEMERA KO RIRIYA TEGEKO RYO GUHA IKIPE IGIKOMBE KU MUKINO YAKIRIYE BATARIFITE,IBYO NABYO BARI KUBIMENYESHA AMAKIPE,RAYON IRARENGANA

  6. BAVANDIMWE BANJYE NDIKUBONA MUPFA UBUSA,AZAM FC YAKINA NA RAYON BITAKINA,AMAKOSA NI AYA FERWAFA.KERETSE NIBA BEMERA KO RIRIYA TEGEKO RYO GUHA IKIPE IGIKOMBE KU MUKINO YAKIRIYE BATARIFITE,IBYO NABYO BARI KUBIMENYESHA AMAKIPE,RAYON IRARENGANA

  7. Tubifate nkaho nta mupira wamaguru tugira murwanda
    Kuk akavuyo ka ferwafa katugez ahantu birakabije
    Ahasigaye Naha nyakubahwa muzehe wacu dukunda
    Nadukemurire kariya kavuyo
    Niho gusa kabarizwa
    Ferwafa imeze nkiri mugihugu cyayo

  8. 1 | 2

Tanga Igitekerezo