APR iratsinzwe nanone Rayon Sports yisubiza umwanya wa mbere

6

Ikipe ya APR FC yongeye kwitwara nabi itsindirwa I Kigali na Gicumbi FC ihita inatakaza umwanya wa mbere iwusubiza Rayon Sports yo yatsinze Espoirs FC ibitego 2 ku busa.

Kuri sitade ya Kicukiro APR FC yari yakiriye Gicumbi FC, APR yagiye gukina uyu mukino iri ku mwanya wa mbere ku rutonde rwa shampiyona iyoboye izindi bihanganye.

APR FC yasabwaga gutsinda uyu mukino igakomeza kuyobora ntibyayikundiye kuko ku munota 17 w’igice cya kabiri Suleiman Mudeyi rutahizamu wa Gicumbi yatsinze igitego rukumbi cyagaragaye muri uyu mukino.

APR FC yagerageje kwishyura ariko iminota 90 irangira bitayikundiye umusifuzi wasifuye uyu mukino yongeyeho iminota 7 ariko nabwo biranga APR FC ibura igitego cyo kwishyura itsindwa gutyo umukino urangira ari igitego kimwe cya Gicumbi FC ku busa bwa APR FC.

Ku rundi ruhande ikipe ya Rayon Sports yariri ku mwanya wa kabiri nayo yari ifite umukino kuri sitade ya Nyamirambo aho yari yakiriye ikipe ya Espoir FC .

Ku munota 6 gusa Nsengiyumva Mustapha yatsindiye Rayon Sports igitego cya mbere naho ku munota wa 40 Tidiane Kone rutahizamu mushya wa Rayon Sports w’umunya Mali ayitsindira igitego cya kabiri.

Ibi bitego nibyo byarangije umukino Rayon Sports irangiza itsinze ibitego 2 ku busa, Rayon Sports ihise ifata umwanya wa mbere n’amanota 40 ndetse ikaba inafite umukino w’ikirarane. Uyu mwanya yawukuyeho APR FC yo yahise iba iya kabiri n’amanota 38.

Yisangize Inshuti.

Ibitekerezo 6

  1. YATINYAGA GUTSINDA AMAHANGA NONE ITANGIYE NO GUTINYA GUTSINDA MURWANDA ?? NIYIGENDERE SINAYANGAGA !

Tanga Igitekerezo