Rwamagana:Indaya ziciriritse zamaganye abazita ‘Ibiryabarezi’

5

Mu minsi yashize hari imashini zakoreshwaga mu mikino y’amahirwe ‘slot machines’ , abaturage bahimbye Ibiryabarezi kubera uburyo zatwaraga amafaranga y’abazigannye mu buryo budasobanutse.

Nyuma yo gucika kw’izo mashini, mu mujyi wa Rwamagana ho iryo zina ryasigaranye abakobwa baciriritse bakora umwuga wo kwicuruza.Icyakora nubwo iryo zi na barihawe bo baryanze, bavuga ko ribasebya.

Umwe mu muri izo ndaya waganirye na Makuruki yagize ati “Ntabwo twishimiye izina baduhaye batwita ibiryabarezi. Ntabwo numva impamvu batwita iryo zina kuko bibasira indaya bavuga ko zidasobanutse.”

Yakomeje agira ati “Usanga indaya zishoboye ntawe uzimenyera nkuko batumenyera . Ngo twe nuko dukorera make. Urabona amafaranga yarabuze twebwe dukorera guhera ku mafaranga 500 kugeza ku mafaranga 1000 ,abenshi twibera mu mazu ya make bakunda kwita ‘Kwepa Ibinonko’ ubanza nabyo bituma badusuzugura.”

Undi mugore twasanze ahitwa mu Kajevuba yavuze ko indaya zifite abana ndetse n’izitegera abagabo mu tubari duciriritse arizo zikunze kwitwa ibiryabarezi.

Yagize ati “Baradutuka ngo turi ibiryabarezi kuburyo bitubangamira bigatuma baduca amazi, byaduteye igihombo ubu no kubona uwaduha 200 ni hatari, nyamara ugasanga indaya ziba ziri ahantu hiyubashye batazita ibiryabarezi .”

Bamwe mu basore batuye mu mujyi wa Rwamagana, badutangarije ko impamvu bita abo bakobwa ibiryabarezi ari uko babamazeho amafaranga.

Claude (izina ryahinduwe) yagize ati “Bajyanye ibyuma byari byaratumariye amafaranga turiruhutsa ariko abenshi ntibabura kuyashora muri izo ndaya kuko zidahenda ariko urebye n’uburyo amafaranga yabuze ntabwo amafaranga 1000 ari make ku muntu wakoreye amafaranga 1500 nk’umuyede cyangwa umunyonzi kuko ariko kazi kari gakunze kuboneka.”

Undi musore utuye mu Mudugudu wa Biraro aho bita Mongoriya hanakunze kubarizwa izo indaya bita ibiryabarezi yavuze ko abajya muri izo ndaya nabo ari abantu badasobanutse.

Yagize ati “Abakiriya b’indaya twita ibiryabarezi ni abantu badasobanutse nk`ibirara ndetse nizo ndaya ubona zisa nabi, unabona baba mu nzu zenda kubagwira bakodesha make niyo mpamvu bitwa ibiryabarezi .”

Nubwo badashimishiwa n’iryo zina bahabwa, bavuga ko nta kundi babigenza ngo kuko kuva mu buraya bigoye kuko baba batinya ko bakicwa n’inzara, gusa bamwe bemera ko babonye icyo bakora babuvamo.

NGABONZIZA JUSTIN

Yisangize Inshuti.

Ibitekerezo 5

  1. Nta soni erega bakanavuga nkaho bari fier yibyo bakora mukomeze murakaze Uwiteka gusa mumenye ko ari mwe muri gutuma imikasiro kwisi iba myinshi ,imitingito,ubwihebe..... mwibuke sodoma na gomora muzumva shaàagapfa kaburiwe nimpongo

Tanga Igitekerezo