Muhanga: Abahoze bacururiza mu muhanda barinubira ibihombo mu isoko bahawe

Abacururiza muri iri soko barataka ibihombo n’izuba ndtse n’imvura m’ubucuruzi bwabo.

Abahoze bakora ubucuruzi bwo m’umuhanda abenshi bita"Marathon" mu mujyi wa Muhanga barinubira ibihombo baterwa no gucururiza mu isoko bahawe rya Nyabisindu kuko ngo nta bakiriye babona bitewe nuko riri mu nkengero z’umujyi hatagera abakiriye.

Aba bacuruzi barasaba ubuyobozi kureba ahandi babashyira ho gucururiza kuko ngo mu isoko rya Nyabisindu boherejwemo mu gukemura ikibazo cyo gucururiza mu muhanda nta cyashara babona bitewe nuko ngo ryubatse ahantu hatagera abakiriye.

Uretse kuba aho iri siko ryubatse hatagera abakiriye, hiyongeraho kuba ridasakaye bigatuma igihe imvura iguye ibahagarikira akazi ndetse n’igihe izuba ryacanye rikangiza bimwe mu bicuruzwa nk’imboga nabo ubwabo ritaboroheye ari nabyo byatumye bamwe mu bimuriwe muri iri soko basubira gucururiza mu mihanda kuko ariho babonera abakiriye

Niyoyita Pascal Umuyobozi w’iri soko avugako bibabaje kuba umuntu yarashoye amafaranga ariko agahomba bitewe n’isoko akoreramo kandi yishyura imisoro.

Niyoyita yagize ati "iri soko siryo twari twiteze kuko batuzana twumvaga ko tuje aho tuzabona ibyashara, ariko ntitwigeze tubibona ahubwo ayo twazanye adushiriyeho, turarangura ariko umuguzi ntiwamenya aho ahahira pe, turibaza tuti ese kuki ubuyobozi buba butakoze igenzura ngo bamenye niba isoko rikwiye kuhajya?”

Nyirabagenzi Thacienne, umwe mu bacuruzi avugako iri soko ridakwiye gukorerwamo kuko rirabangamye kuko rituma ibicuruzwa byabo byangirika.

Yagize ati"Iri soko riratubangamiye kuko ntirisakaye kandi ibicuruzwa byacu bisaba ahantu hari amafu kandi hateguwe neza kugirango ibicuruzwa byangirika vuba bitangirika kuko nk’imboga zigomba guhora zitoshye, kugeza ubu ntawutugurira kuko usanga zumye"

Umuyobozi w’akarere ka Muhanga madamu UWAMALIYA Beatrice abwira aba bacuruzi ko bagomba kwihangana aka karere kagashaka uko kabafasha gukorera ahantu hatunganye kandi hatabashora mu gihombo.

Uwamariya yagize ati: "Nibyo koko ririya soko ryashyizweho ngo ryunganire irisanzwe rihari tubona ko ryabaye rito, ariko ubu hatangijwe igikorwa cyo kubaka isoko rishya rizaba riri ku rwego rwo hejuru ndetse bose bazabonamo ibibanza bijyanye nuko bifite gusa ntagahuna dufite yo kubaka isoko rya Nyabisindu kuko iryo rizaba rihagije”.

Hashize igihe Abacururiza mu muhanda bakangurirwa kujya gucururiza mu isoko ariko baravuga ko ntacyo habamarira ahubwo ko mu muhanda ariho haba inyungu kandi bahakura ibyo batabonera muri aya masoko bajyanwamo bageramo akabicisha inzara bikanabatangisha imisoro itagira inyungu.

Jean de Dieu AKIMANA
MAKURUKI.RW

Yisangize Inshuti.

Ibitekerezo

Tanga Igitekerezo