Muduhe amakuru, ikibazo cy’abajura turagikemura mu gihe gito cyane-Meya Mukaruliza

3

Meya w’umujyi wa Kigali Mukaruliza Monique yavuze ko ubujura bwongeye kubura mu mujyi wa Kigali bagiye kubuhashya mu gihe gito cyane.

Muri Nyakanga uyu mwaka abajura bitwaje intwaro bateye Umurenge Sacco wa Kigali , Kigali Solidarity for Vision Sacco bica umuzamu umwe undi baramukomeretsa.

Kuri ubu hirya no hino muri Kigali haravugwa ubujura butobora amazu ndetse n’ubwitwaje intwaro gakondo nk’ibyuma, insoresore zitegera abantu mu nzira zikabambura.

Hari n’amakuru avuga ko imodoka zigenda mu masaha akuze y’ijoro nk’izinyura mu mihanda igana ku mipaka ziri kwamburwa n’abajura.

Mu kiganiro n’abanditsi b’ibitangazamakuru bitandukanye kuri uyu wa Kane, Meya Mukaruliza yavuze ko ubwo bujura babumenye kandi ngo babuhagurukiye.

Yavuze ko icyo bakeneye ku baturage ari amakuru, ubundi ikibazo bakakirangiza.

Yagize ati “Iby’abajura byo ndabizi ko turagikemura mu gihe gito cyane.Muduhe amakuru. Dukeneye kumenya aho hantu bamburira abagore amasakoshi, aho hari ubwihisho bw’abagizi ba nabi. Ni ikibazo cy’igihe gusa.”

Mukaruliza yavuze ko bagiye gufatanya na Polisi n’izindi nzego kugirango umujyi wa Kigali ukomeza kuza mu ya mbere ifite umutekano ku isi.

Yisangize Inshuti.

Ibitekerezo 3

  1. Mayor arakoze ushaka amakuru reka tuyatange,kumihanda ya nyabugogo uva gatsata ugaca poids lourds ugana kiruhura hari ubujura bwaba marine biba imodoka zigenda bakazurira bakavanamo ibintu igitangaje iyo uvugije induru bagenzi babo bari hasi bagukatisha inzembe ibikwasi amabuye bagahita birukira muri za ruhurura cg mumugezi wa nyabugogo muhashye bariya ba marine bameze nabi pe.

  2. Muzaba mukoze cyane. Hari nabajura bambura abantu kumanywa cyane muma feux rouge igihe hari embouteillage nyinshi bafungura imodoka ihagaze mugihe ziba zitegereje kugenda ... hari nabandi bajura bafungura imodoka igenda bakunze kuba shyorongi ndetse nomu kivuruga. Bacunga imodoka irinkinyuma yi camion ya rukururana mugihe iba itegereje kuyicaho icyogihe rero bahita bayifungura bakiba ibintu biri hafi ibikapu byabagenzi namasakoshi bagahita birukira mudushyamba duhari.

  3. Muzaba mukoze cyane. Hari nabajura bambura abantu kumanywa cyane muma feux rouge igihe hari embouteillage nyinshi bafungura imodoka ihagaze mugihe ziba zitegereje kugenda ... hari nabandi bajura bafungura imodoka igenda bakunze kuba shyorongi ndetse nomu kivuruga. Bacunga imodoka irinkinyuma yi camion ya rukururana mugihe iba itegereje kuyicaho icyogihe rero bahita bayifungura bakiba ibintu biri hafi ibikapu byabagenzi namasakoshi bagahita birukira mudushyamba duhari.

Tanga Igitekerezo