Warning: imagejpeg(local/cache-vignettes/L463xH309/arton11165-f46cd.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Madamu Jeannette Kagame yasabye ko abakecuru bahekuwe na jenoside bakurirwaho izina"Incike" .|. Makuruki.rw | Amakuru Asesenguye!

Madamu Jeannette Kagame yasabye ko abakecuru bahekuwe na jenoside bakurirwaho izina"Incike"

2

Madamu wa Perezida wa Repubulika , Jeannette Kagame arasaba ko izina incike ryitwa ababyeyi basizwe iheruheru na Jenoside yakorewe Abatutsi mu 1994 rikwiye gusimbuzwa irindi kuko bafite ababitaho batari incike nk’uko bivugwa.

Ku cyumeru tariki ya 03 kamena 2016 Madamu wa perezida wa Repubulika y’u Rwanda, Jeannette Kagame yitabiriye umuhango wo guha abakecuru 16 bagizwe incike na jenoside, inzu 2 zo kubamo mu murenge wa Mukura, Akarere ka Huye mu Ntara y’Amajyepfo, ndetse ashyira ibuye ry’ifatizo ku yindi nzu izatuzwamo abandi basaga 100.

Madamu Jeannette Kagame yavuze ko igihe kigeze ngo aba bakecuru bareke kwitwa izina ry’incike hagashakwa irindi zina rikwiye kuko ibikorwa bakoreye abana b’abanyarwanda bitashiriye aho bari kubyiturwa kandi biyemeje kubashajisha neza.

Yagize ati “mwarereye u Rwanda, mwita ku mfubyi za jenoside zitagira ingano nk’uko abo mwareze babihamya, harageze rero ko umuryango mwasannye nawo ubitaho ukabitura ukabasajisha neza , nkaba nsanga ko byari bikwiye ko twazatekereza irindi zina mubinyemereye tukazarekera aho kubita incike, bikavaho kuko mwafashije umuryango nyarwanda kwirema bundi bushya.”

Madamu Jeannette Kagame kandi yagarutse ku byavuye mu isuzuma ryakozwe n’Ikigega cya Leta gishinzwe gutera inkunga abatishoboye barokotse Jenoside yakorewe abatutsi( FARG) ryerekerekanye n’uko abo babyeyi babuzwa uburenganzira n’imiryango bari barashatsemo, ku masambu n’imitungo kuko batagifite abana, avuga ko icyo kibazo gikwiye guhagurukirwa kandi kigakemuka.

Yagize ati “Mu gihe tugezemo, bene ibyo bibazo ntabwo bikwiye kwihanganirwa hakenewe gufatwa ingamba zo kurengera aba babyeyi”

Umuryango wa Unity Club madamu Jeannette Kagame abereye n’umuyobozi mukuru, ufatanyije n’abandi bafatanyabikorwa, umaze kubakira amazu yo kubamo abakecuru bagizwe incike na jenoside yakorewe abatutsi mu 1994, mu Turere dutandukanye turimo Nyanza, Huye, Kamonyi , Kayonza na Rulindo.

Yisangize Inshuti.

Ibitekerezo 2

Tanga Igitekerezo