Warning: imagejpeg(local/cache-vignettes/L463xH307/arton13076-0689d.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Ibigo WASAC na RFTC byahesheje akarere ka Rwamagana zeru, bituma kaza inyuma mu mihigo .|. Makuruki.rw | Amakuru Asesenguye!

Ibigo WASAC na RFTC byahesheje akarere ka Rwamagana zeru, bituma kaza inyuma mu mihigo

Mukabaramba Alvera, umunyamabanga wa Leta muri Minisiteri y’ubutegetsi bw’igihugu n’imibereho myiza y’abaturage/ Photo:Rwamagana Distr

- Akarere ngo kakoze ibyo kagombaga gukora

- Ngo iyo katabona zeru kari kuba muri dutatu twa Mbere

- WASAC yahawe amafaranga ibura rwiyemezamirimo ushoboye

Mu nama mpuzabikorwa y’Akarere ka Rwamagana yateraniye mu murenge wa Muhazi ku Cyumweru tariki ya 13 Ugushyingo 2016, umunyamabanga wa Leta muri Minisiteri y’ubutegetsi bw’igihugu n’imibereho myiza y’abaturage yanenze bamwe mu bafatanyabikorwa b’Akarere batashyize miu bikorwa ibyo bagombaga gukora bagatuma iyo mihigo akarere kayiburamo amanota.

Mukabaramba Alvera yavuze ko bitumvikana uburyo akarere ka Rwamagana kabuze amanota kuri imwe mu mihigo bitewe n’abagombaga kuyishyira mu bikorwa.

Yagize ati “Akarere ka Rwamagana mu mihigo ya 2015-2016 bagize umwanya wa 17, bigaragara ko basubiye inyuma ugereranyije n’imihigo iheruka ariko usanga byaraturutse ku mihigo bamwe mu bafatanyabikorwa bari biyemeje kandi akarere karakoze ibyo kagombaga gukora”.

Mukabaramba yakomeje avuga ko mu mihigo irimo iyagombaga kweswa n’Ikigo cy’igihugu gishinzwe isuku n’isukura ( WASAC) na sosiyete itwara abantu ya RFTC yadindiye bigatuma Akarere katabona amanota.

Yagize ati “ Mu by’ukuri mu gusuzuma imihigo birakwiye kureba uruhare rwa buri wese kuko niba akarere karakoze ibyo gasabwa, abiyemeje gukora ibisigaye bagomba kubibazwa Kandi ntabwo twumva impamvu nka Wasac itakoze ibyo yari yiyemeje kuko bahawe ingengo y’imari ntiyakoreshw, barinda gusubiza amafaranga mu isanduka ya Leta ariko twagiriye inama akarere kujya bakurikirana ishyirwa mu bikorwa ry’imihigo no kugaragaza ahari ikibazo mbere.”

Umuyobozi w’akarere ka Rwamagana Radjabu Mbonyumuvunyi, yavuze ko imihigo akarere kari kiyemeje kayigezeho, ngo kuburyo iyo abafatanyabirwa bamwe batabatenguha bari kuza mu myanya itatu ya mbere

Ati “ Mu mihigo yo twari twariyemeje nk’akarere twabashije kuyesa ariko imwe mu mishinga bamwe mu bafatanyabikorwa biyemeje ntiyakozwe. Nk’umushinga w’umuhanda banki y’isi yari yemeye gutera inkunga uva Rugende ujya Karenge , hari kubakwa gare, RFTC niyo yagombaga kuyubaka ariko ntibyakozwe kandi akarere kari kishyuye abaturage. Hari umushinga wo kugeza amazi i Ntunga wagombaga gukorwa na Wasac ariko ntabwo yabikoze.”

Umuyobozi wa WASAC ishami rya Rwamagana Gatera Slyver yavuze ko impamvu amazi batayegejeje i Ntunga, ngo nuko babuze rwiyemezamirimo ushoboye.

Ati “Twatse amafaranga yo gukora umuyoboro ujyana amazi i Ntunga barayaduhaye ariko tubura rwiyezamirimo muzima maze amafaranga y’uwo mushinga tuyasubiza muri minisiteri y’imari Ariko turabizeza ko uwo muyoboro w’amazi uzakorwa kuko isoko rigiye guhabwa rwiyemezamirimo wizewe”.

Akarere ka Rwamagana mu mihigo y’umwaka wa 2015/2016 kaje ku mwanya wa 17 mu gihe mu mwaka wa 2014/2015 kari kaje ku mwanya wa 10, kavuye ku mwanya wa 28 muri 2013/2014.



Abayobozi batandukanye n’abafatanyabikorwa b’Akarere ka Rwamagana bitabiriye inama ya kimite mpuzabikorwa

NGABONZIZA JUSTIN

Yisangize Inshuti.

Ibitekerezo

Tanga Igitekerezo