Warning: imagejpeg(local/cache-vignettes/L463xH301/arton12357-7a1be.jpg.tmp): failed to open stream: Disk quota exceeded in /home/makuruki/public_html/ecrire/inc/filtres_images_lib_mini.php on line 435
Hagiye kujyaho ikigo cy’ubwiteganyirize abahinzi n’aborozi bazisangamo .|. Makuruki.rw | Amakuru Asesenguye!

Hagiye kujyaho ikigo cy’ubwiteganyirize abahinzi n’aborozi bazisangamo

Minisitiri Claver Gatete

Minisitiri w’Imari n’Igenamigambi Amb Claver Gatete yatangaje ko hagiye gushyirwaho ikigega kizajya cyakira ubwiteganyirize bwa buri Munyarwanda, kugira ngo azabone ikimugobaka igihe ashaje cyangwa ageze mu bihe bibi.

Kuri ubu mu Rwanda abantu bakora bizigamira bagera ku 10% kandi na bo usanga ari abafite akazi ka Leta cyangwa abakorera ibigo byigenga bakorera imishahra.

Mu nama y’Abaminisitiri yateranye kuri uyu wa Kabiri tariki 13 Nzeri 2016, hemejwe Umushinga w’Itegeko rishyiraho ubwizigame bw’igihe kirekire rikanagenga imitunganyirize yabwo.

Minisitiri Claver Gatete ubwo yaganiraga n’Abanayamakuru kuri uyu wa Gatatu.

Yagize ati “Kwizigamira usanga abakora aribo bafata igice cy’umushahara, abakora bizigamiraga bagera kuri 10%, turashaka kugirango n’abanyarwanda bose, umuhinzi ,umworozi na we agire ikintu yizigamira, arebe ikintu kizamutunga mu za bukuru. Kwizigamira bizagufasha abana bari mu mashuri ndetse n’icumbi, iyi gahunda ikaba izagera kuri buri munyarwanda. Ni ukuvuga ayo utanga ni ayawe, uko agenda abyara inyungu.”

Gatete avuga ko kugirango ayo mafaranga acungwe mu buryo buzwi, hazashyirwaho ikigo kizashyirwaho n’iteka rya Minisitiri w’Intebe ndetse n’ibindi bigo bizayabyaza umusaruro .

Yagize ati: “Ni amafaranga azakurikiranwa neza,ni amafaranga azacungwa neza ku nyungu z’Abanyarwanda bose”.

Iki kigega kizajya cyakira buri muntu ndetse n’abana bashaka kwizigamira cyangwa bashaka kuzigamirwa n’ababyeyi babo.

Minisitiri Gatete avuga ko iki kigega kigamije guteza imbere umunyarwanda ngo azajye abaho uko yivuza, gukora no kubona ishoramari ry’ibanze kugirango azabone ejo hazaza heza.

Buri muturage azajya atanga amafaranga ashaka bitewe n’ubushake n’ubushobozi afite kandi ayatange mu gihe ashakiye.Aya mafaranga umuntu azajya yemererwa kuyahabwa agize imyaka 55.

Nubwo hazashyirwaho ikigo kizayabyaza umusaruro, inyungu yavuyemo izajya yiyongera kuyo umuturage yizigamye.

Iki gitekerezo cyamaze kwemezwa n’abaminisitiri, hakaba hategerwje kukijyana mu Nteko Ishinga Amategeko kikiganwa ubushishozi.

Gatete avuga ko ibyangombwa byose byo kwitegura Leta izaba yarabiteganyije ubwo itegeko rizasohoka.

Itegeko rizashyiraho uburyo umunyarwanda azajya atanga aya mafaranga ku bushake mu buryo bufasha buri muntu wese ndetse rinagene uko azajya akurwamo.

Iki kigo ngo ntabwo kizavanaho ibindi bigo cyangwa ubundi buryo bwo kwiteganyiriza bwari buriho.

Yisangize Inshuti.

Ibitekerezo

Tanga Igitekerezo