Kwamamaza

IMIBEREHO MYIZA

Gisagara: batunguwe no kubona uwo bari barashyinguye mu mezi 4 ashize ari muzima

Yanditswe

kuya

na

Arsene Muvunyi
Gisagara: batunguwe no kubona uwo bari barashyinguye mu mezi 4 ashize ari muzima

Musabyimana Claudine na se umubyara

Ababyeyi ndetse n’abaturanyi b’umukobwa Musabyimana Claudine batuye mu karere ka Gisagara ,mu murenge wa Gikonko, akagari ka Cyili batunguwe no kubona uyu mukobwa aje kubasura nyuma y’amezi agera kuri 4 bari baziko bamushyinguye.

Tariki ya 08 Mata 2016 nibwo mu hasakaye amakuru yavugaga ku mukobwa witwaga Claudine wakoraga akazi k’ubuyaya mu kagari ka Nyakabanda ya mbere mu murenge wa Nyakabanda ho mu karere ka Nyarugenge witabye telefone agahita apfa ubwo yari agiye kwisukisha imisatsi.

Imyirondoro y’uyu mukobwa ntiyari yuzuye neza kuko hari hazwi izina rye rimwe ndetse akaba nta byangombwa yagiraga, gusa nyuma haje gutangwa amatangazo umuryango wumvaga ko ari uwabo wo mu karere ka Gisagara mu murenge wa Gikonko uza kumutwara uranamushyingura.

Nyuma y’amezi ane bashyinguye uyu Claudine, undi Musabyimana Claudine ukomoka muri uwo muryango yaje gutaha iwabo agiye gushaka ibyangombwa maze agezeyo abaturanyi bamubonye bakubitwa n’inkuba kuko bari baziko bamushyinguye.

Yagize ati “umumotari yaranzanye angeza mu rugo umugore w’umuturanyi ambonye arambaza ati se urazutse? Ndamubaza se nti se nigeze mpfa? Aragenda.”

Kuva icyo gihe Claudine yagera iwabo abantu benshi baratangaye barahurura baje kureba uwo muntu wazutse ibintu avuga ko byamubabaje cyane kuba hari abantu bamwita umuzimu.

Umubyeyi ubyara Musabyimana Claudine ari we Dusabimana Francoise yavuze ko ubwo bajyaga kureba umurambo w’umukobwa wabo yavuze bimwe mu bimenyetso bimuriho basanga ni byo ndetse ko babonaga uyu murambo ari uw’umwana wabo.

Yagize ati “twaragiye batubaza ikintu cyemeza ko ari uwacu ndababwira nti ni inkovu iri mu ivi barebye basanga iriho, ndanagaragura mbona kuko umwana ni uwange, nuko turamuzana turamushyingura.”

Ababyeyi ba Musabyimana Claudine bavuga ko umurambo bashyinguye atari uwabo kuko umwana wabo bamwiboneye neza kandi koko ari we.

Kugeza ubu abaturanyi ba Musabyimana baracyashidikanya ku kuba ari we washyinguwe cyangwa barishyinguye utari we, ibintu bituma bamwe bamuha akato.

TV1

IBITEKEREZO

  • Beritizo Yanditse:

    Mbega ibitangaza?!!!!bazohava basanga barashyinguye se kibi

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza