Gasabo: Urubyiruko rwashyikirije abarokotse Jenoside inzu za Miliyoni 9 rwabubakiye

Kuri uyu wa gatanu taliki ya 15 Nyakanga 2016 ni bwo bamwe mu bacitse ku icumu rya Jenoside yakorewe abatutsi bo mu murenge wa Bumbogo, akarere ka Gasabo, bashyikirijwe ku mugaragaro amazu bubakiwe n’urubyiruko rukora akazi ko kwigisha amategeko y’umuhanda no gutwara ibinyabiziga, United Driving School ndetse n’inama y’igihugu y’urubyiruko.

Abahawe ayo mazu bose bagarutse ku rukundo bagaragarijwe n’uru rubyiruko maze basaba buri wese kugira umutima muri byose.

Mukandoli Solange ni umwe mu bubakiwe inzu na Koperative yigisha amategeko y’umuhanda no gutwara ibinyabiziga United driving school yagize ati:” Nabayeho ndi mu bwigunge, rwose Imana izabahe umugisha hamwe na Perezida wa Repubulika rwose iyo atazana ubuyobozi bwiza ngo amahoro aboneke, ntabwo ibi rwose biba bibaye. Nabaye ku ngoma zitandukanye, ariko ibi ni ubwa mbere nabibona. Murakabaho iteka.”

Uwimana Jean Paul, umuyobozi w’ishuri United driving school, avuga ko ibyo bakora ari inyiturano kuri Leta kuko ngo ibafasha muri byose.

Yagize ati:” Leta idufasha muri byinshi, rwose ntitwabona icyo tuyitura uretse gutanga imbaraga zacu dufasha abatishoboye nkaba.”

Akomeza avuga ko atari ubwa mbere bafasha Leta, cyane ko ngo banagize uruhare mu kubaka amashuri yo muri gahunda y’uburezi bw’ibanze bw’imyaka 9 kuri Remera Catholique I.

Ku ruhande rw’inama y’igihugu y’urubyiruko, umuhuzabikorwa wayo Nyirigira Clarisse nawe yashimiye uru rubyiruko rwibukira abatishoboye, anavuga ko biri mu nshingano zabo zo kubaka igihugu anasaba aba bahawe aya mazu kuzayafata neza.

Inzu zatanzwe zifite agaciro ka miliyoni 9 z’amafaranga y’u Rwanda, harimo eshatu zatanzwe na United driving school.


Babanje gucinya akadiho


Inzu yubatswe na United Driving School


Umukecuru wubakiwe n’uru rubyiruko yarushimiye igikorwa gikomye rwamukoreye


Banamuhaye n’ibiryamirwa


Banamuhaye n’ubundi bufasha


Indi nzu yamuritswe


Bafashe ifoto y’ Urwibutso


Uwimana Jean Paul Umuyobozi wa United Driving School


Nyirigira Clarisse, umuhuzabikorwa w’inama y’igihugu y’urubyiruko.

Muneza Ferdinand

Makuruki.rw

Yisangize Inshuti.

Ibitekerezo

Tanga Igitekerezo