Kwamamaza

IMIBEREHO MYIZA

Gare ya Nyabugogo yangiritse, abayikoresha bati" imisoro dutanga ijyahe?"

Yanditswe

kuya

na

Bikorimana Alexis
Gare ya Nyabugogo yangiritse, abayikoresha bati

Gare ya Nyabugogo ifatwa nk’ihuriro ry’amamodoka menshi mu mujyi wa Kigali igaragara ko yangiritse cyane, gusa imirimo yo kuyivugurura ikaba isa nk’irimo amayobera nyuma y’uko rwiyemezamirimo yaraje agacukura nk’ugiye gutangira imirimo yo kubaka yarangiza agahita yigendera.

Iyo winjiye muri Gare ya Nyabugogo wakirwa n’urusaku rwinshi rw’abantu n’imodoka kuko ni hamwe mu duce tw’igihugu duhuriramo abantu benshi n’imodoka zitwara abagenzi ziganjemo iziva mu Mujyi wa Kigali zitwara abagenzi mu ntara.

Nyuma y’aho iyi gare yangiritse cyane haba mu marembo y’iyi gare cyangwa muri gare nyir’izina imbere, abatwara abantu mu modoka bagaragaje ko babangamiwe cyane n’iri yangirika kuko byica imodoka zabo.

Umwe mu baganiriye na Makuruki yagize ati, “Reba nawe ibi binogo, iyo imodoka ihanyuze irangirika kandi abagenzi nabo bakavuga ko uri kubacundagura abari hanze nabo ukabatera ibyondo cyangwa ibziba.”

Undi yagize ati, “Birabangamye kuko abakoreramo barasora ni ikibazo cy’ubuyobozi kandi bibangamiye abagenzi. Nonese wambwira ko imisoro batwaka buri munsi ijyahehe? kuko se batahakora tukajya dusora ariko tunajorera ahantu heza?”

Umwe mu bashinzwe umutekano ukorera muri iyi gare yavuze ko mu cyumweru dusoje haje rwiyemezamirimo akabizeza ko agiye gukora iyi gare agahera mu marembo ahinga ariko yamara kuhagira intabire agahita yigendera.

Umuyobozi w’ibiro by’ubutaka mu karere ka Nyarugeng, Kayiraba Justine yavuze ko imirimo yo gusana iyi gare igiye gutangira mu gihe cya vuba kandi ko ibyo bavuga ko rwiyemezamirimo yamaze guhinga mu marembo akagenda ataribyo kuko yabanje kuza gukora isuzuma “gufata Sample.”

Justine ati, “Bazatangira kuyikora kuwa mbere, ntabwo abaje gucukura bahise bagenda kuko bari baje gufata sample (gusuzuma) nanjye nari mpari, ibintu byo kubaka bibamo tekiniki nyinshi, twakoze inyigo ubu amasezerano yarangiye bazatangira kuwa mbere.”

Ikibazo cy’ivugururwa rya gare ya Nyabugogo si ubwa kivugwa kuko no kuwa 18 Werurwe 2014, Uwari umuyobozi w’Umujyi wa Kigali Fideli Ndayisaba ubwo yatahaga imodoka za RFTC, yari yavuzeko imirimo yo kuyivugurura iri bugufi gusa abagenzi n’abafite amamodoka bakoresha iyi gare bakomeje gutegereza amaso ahera mu kirere.

JPEG - 32.8 kb
Gare ya Nyabugogo yuzuyemo ibinogo byinshi
JPEG - 34.2 kb
Mu cyumweru gishize rwiyemezamirimo yaje ahinga ku marembo ya gare ahita yigendera

Ndahiro Valens Papy/@Makuruki.rw

IBITEKEREZO

Tanga igitekerezo


Kwamamaza Car Free Day/ 18/02/2018
Kwamamaza
Perezida KAGAME avuga ku manyanga mu Iyubakwa rya Hotel ya FERWAFA n’ikibazo cy’abana bo ku mihanda
KAGAME avuga kuri za Mission z’abayobozi zidasobanutse
IBYO ABANYAMAKURU BAVUGA KU IYEGURA RYA Fred MUVUNYI ku buyobozi bwa RMC
Uwari V/Perezida w’Urukiko rw’Urukiko rurinda Itegeko Nshinga/ Burundi
RUNIGA avuga uko bazinjira Congo
Ubutumwa bw’Umuturage kuri Perezida KAGAME
Kwamamaza