Bugesera: Abimuwe mu manegeka y’ibirwa bya Mazane na Sharita barabyinira kurukoma

Imiryango mirongo ine igizwe n’abaturage 198 ni yo yimuwe mu birwa bya Mazane na Sharita mu Murenge wa Rweru mu Karere ka Bugesera ikaba yatujwe mu Mudugudu w’ikitegererezo mu Murenge wa Rweru.

Bamwe mubagize iyi miryango baratangaza ko ubuzima bari babayemo bugiye guhinduka nyuma yo gutuzwa ahari ibikorwa remezo nk’amazi n’umuriro ariko na bo bakaba basabwa n’Ubuyobozi bw’Akarere ka Bugesera kubibungabunga bakanakura amaboko mu mifuka bakiteza imbere.

Bamwe mubaganiriye na Makuruki barashima Leta y’Ubumwe bw’abanyarwanda idahwema kubitaho ngo aho bavuye nta gikorwa remezo na kimwe cyaharangwaga.

Mukamusoni Azele ni umwe mubimuwe, tuganira yagize ati:’’ndazenerewe cyane ,ubu mu manegeka mvuyeyo nkaba nshimira Perezida wa Repubulika udutuje aheza,icyo tugiye gukora ni ugufata neza amazu badutujemo n’ibindi bikorwa remezo twahawe.’’

Niyonteze Laurent na we yari atuye ahitwa Mazane mu Kirwa. We yagize ati:’’icyo twishimiye nk’ubu batwegereje ibikorwa remezo byose ,dore nkubu tugiye kujya twivuriza hafi mugihe twajya twivuza bitugoye!’’

Umuyobozi w’Akarere ka Bugesera, Nsanzumuhire Emmanuel, avuga ko iyi gahunda yo kwimura aba baturage mu manegeka yaje nyuma yuko basanze ubuzima bwabo bushobora kubangamirwa bityo hafatwa iki cyemezo bahita batuzwa muri uyu mudugudu wa Rweru ahazwi nka Batima.

Kubigendanye n’ibyo basaba aba bose bimuwe,Maya Nsanzumuhire Emmanuel tuganira yagize ati: ’’Umuntu wese wahawe inzu arasabwa kuyibungabunga,akanafata neza ibindi birimo nk’amazi n’umuriro kuko byatwaye amafaranga ya Leta ,Twabigishije uko bazabigenza nkuko tubisaba n’abandi baturage,ubwo igisigaye ni ugutura neza banatekanye.’’

Abaturage bimuwe mu birwa bya mazane bagizwe n’imiryango mirongo 37 mugihe ibimuwe shaita ari imiryango itatu. Iki kikaba ari icyiciro cya kabiri cy’abimuwe.

Iki cyiciro kimuwe kikaba kigizwe n’abaturage 198 bagizwe nimiryango 41.

Haracyari abandi baturage batuye muri aya manegekja bikaba biteganyijwe ko bazimurwa mu kindi kiciro cya gatatu kigizwe nabaturage 189.

Leta y’URwanda iri kurwana no gutuza imiryango isaga ibihumbi 360 ku mudugudu, bitarenze mu 2018.

Ikigo cy’igihugu gishinzwe imiturire(RHA) kikaba cyaramaze gukusanya amakuru hirya no hino mu gihugu mu rwego rwo kunoza imiturire igena ko imiryango isaga ibihumbi 360 izaba yatujwe mu midugudu bitarenze muri 2018.

Imiryango izatuzwa neza ituye mu manegeka mu bice bitandukanye by’igihugu, aho ishobora kwibasirwa n’ibiza n’izindi mpanuka zitandukanye, Leta rimo guharanira ko bazatuzwa mu midugudu yagenwe hirya no hino mu Gihugu.


Abaturage bimuwe bishimiye aho bimuriwe.

Lucien KAMANZI
Makuruki.rw

Yisangize Inshuti.

Ibitekerezo

Tanga Igitekerezo