Mu ijoro rimwe, abana 90 biganjemo abakobwa bafatiwe mu tubari

8

Polisi y’igihugu yakoze umukwabu wo kureba abana barara mu tubari banywa inzoga ifata abagera kuri 90 mu gihugu hose biganjemo abakobwa.

Uyu mukwabu wabaye mu ijoro ryo kuri uyu wa Gatanu tariki 12 Gicurasi. Umuvugizi wa Polisi y’igihugu ACP Theos Badege yavuze ko babikoze mu rwego rwo kubahiriza amategeko arengera abana.

Aganira n’abanyamakuru kuri uyu wa Gatandatu ACP Badege yagize ati:”Mu rwego rwo kubahiriza amategeko kuko dufite amategeko arengera abana. Twagirango turebe niba abafite utubari n’inzu banyweramo inzoga koko bubahiriza amategeko yo gutuma nta mwana winjira mu kabari.”

Badege yavuze ko uyu mukwabu wabaye mu gihugu cyose kandi ngo abakobwa nibo benshi mu bafashwe.

Ati :” Twabikoze mu gihugu hose mu mijyi. Bizanakomeza si uyu munsi gusa kuko tugamije ko byumvikana mu gihugu hose. Mu gihugu hose hafashwe abagera kuri 90. Muri Kigali abagaragaye ni abakobwa gusa ariko mu gihugu hose twabonyemo abahungu 13 n’ubundi urumva ko umubare w’abakobwa ukiri hejuru.”

ACP Badege yasabye ba nyiri utubari kujya bagenzura abinjira mu tubari twabo bakareba niba nta bana binjiyemo, uwo baketse bakamwaka ibyangombwa ndetse bakanareba niba ari kumwe n’umubyeyi we cyangwa se umurezi we wemewe.

Banyiri utu tubari twafatiwemo aba bana bahise batabwa muri yombi, bose bahurizaho ko bizera abasekirite babo bazi ko babuza abana kwinjira ariko ngo abasekirite bararangara, abandi bagabwa ruswa.

Abakobwa nibo biganje mu bafashwe

Umwe mu babyeyi wari watumijwe kuza kureba umwana we, yavuze ko yatunguwe no gusanga umwana we kuri polisi kandi yari yavuze ko agiye mu isabukuru ya mugenzi we.

Ati :” ubundi yari yatubwiye ko agiye mu isabukuru ya mugenzi we nyuma duhamagazwa na polisi ko yamufatiye mu tubari… ubundi yajyaga ambwira ku kagoroba ngo agiye mu masengesho ariko ashobora kuba n’ubundi yabaga yigiriye kunywa. “

Uyu mukecuru yavuze ko atazongera kwemerera umwana we kugenda ijoro ngo kuko amenye aho aba agiye kandi ko n’abirengaho ntazongera kumufunguza .

Umunyamabanga Uhoraho muri Minisiteri y’ubutegetsi bw’igihugu Uwamariya Odette, yavuze ko abantu bose batuma abana bajya mu businzi batazajenjekerwa.

Yagize ati:”Iki kibazo cy’ubusinzi mu bana bato mu rubyiruko cyane cyane ubona gifite n’inkomoko ku babashora muri izo nzoga. Ndagirango mvuge ko ari ikibazo kiduhangayikishije. Ariko kandi ntabwo tuzihanganira umuntu ugira uruhare urwo ari rwo rwose mu gutuma umwana anywa inzoga, uzajya abifatirwamo wese amategeko azajya akurikizwa ahanwe.”

Umwe mubafashwe ashinjwa kujyana umwana mu kabari yavuze ko abeshyerwa ngo kuko uwo mwana yamuhungiyeho abonye polisi.

Ati:” Ntawe najyanye yampungiyeho ndi kujya mu kabari kuri BCR abonye polisi ubwo bahita bamfata ngo ndamujyanye mu kabari nta n’ubwo nari muzi.”

\
ACP Badege Theos avuga ko umukwabu uzakomeza


Odette Uwamariya yavuze ko batazihanganira abashora abana mu businzi

Yisangize Inshuti.

Ibitekerezo 8

  1. Abo bana murabarenganya akenshi biker iwabo mu rugo.,uko ba nyina bambara ,uko banywa ,n,uko bacana nyuma ba ba se ,ubu mu miryango ubusambanyi bureze nibicika n,abana bazaba bazima.

  2. Yewe bashiki bacu baradusize kabisa gusa ntabakobwa tukifitiye iyurebye ibyo bakora urumubyeyi bigutera ishavu wabireba ururungano ukibaza byinshi bikagushobera watekereza ko ejo uzakenera uwo muzarushinga ukifata kumunwa imana niba koko itwitaho nirengere abana babakobwa kandi nge mbona hari icyakorwa nkuko iwawa hashyiriweho abahungu nibashyireho nahabakobwa kandi bishyirwemo ingufu rwose

  3. Yewe bashiki bacu baradusize kabisa gusa ntabakobwa tukifitiye iyurebye ibyo bakora urumubyeyi bigutera ishavu wabireba ururungano ukibaza byinshi bikagushobera watekereza ko ejo uzakenera uwo muzarushinga ukifata kumunwa imana niba koko itwitaho nirengere abana babakobwa kandi nge mbona hari icyakorwa nkuko iwawa hashyiriweho abahungu nibashyireho nahabakobwa kandi bishyirwemo ingufu rwose

  4. Yewe bashiki bacu baradusize kabisa gusa ntabakobwa tukifitiye iyurebye ibyo bakora urumubyeyi bigutera ishavu wabireba ururungano ukibaza byinshi bikagushobera watekereza ko ejo uzakenera uwo muzarushinga ukifata kumunwa imana niba koko itwitaho nirengere abana babakobwa kandi nge mbona hari icyakorwa nkuko iwawa hashyiriweho abahungu nibashyireho nahabakobwa kandi bishyirwemo ingufu rwose

  5. Yewe bashiki bacu baradusize kabisa gusa ntabakobwa tukifitiye iyurebye ibyo bakora urumubyeyi bigutera ishavu wabireba ururungano ukibaza byinshi bikagushobera watekereza ko ejo uzakenera uwo muzarushinga ukifata kumunwa imana niba koko itwitaho nirengere abana babakobwa kandi nge mbona hari icyakorwa nkuko iwawa hashyiriweho abahungu nibashyireho nahabakobwa kandi bishyirwemo ingufu rwose

  6. Yewe bashiki bacu baradusize kabisa gusa ntabakobwa tukifitiye iyurebye ibyo bakora urumubyeyi bigutera ishavu wabireba ururungano ukibaza byinshi bikagushobera watekereza ko ejo uzakenera uwo muzarushinga ukifata kumunwa imana niba koko itwitaho nirengere abana babakobwa kandi nge mbona hari icyakorwa nkuko iwawa hashyiriweho abahungu nibashyireho nahabakobwa kandi bishyirwemo ingufu rwose

  7. Yewe bashiki bacu baradusize kabisa gusa ntabakobwa tukifitiye iyurebye ibyo bakora urumubyeyi bigutera ishavu wabireba ururungano ukibaza byinshi bikagushobera watekereza ko ejo uzakenera uwo muzarushinga ukifata kumunwa imana niba koko itwitaho nirengere abana babakobwa kandi nge mbona hari icyakorwa nkuko iwawa hashyiriweho abahungu nibashyireho nahabakobwa kandi bishyirwemo ingufu rwose

Tanga Igitekerezo