Abadepite bababajwe no gutumira abayobora amakoperative y’abamotari hakazamo n’ abirukanwe

2

Hakizimana (uwa kabiri iburyo) na Utazirubanda (uwa gatatu iburyo) baje kandi barahagaritswe

Kuri uyu wa 28 Werurwe 2017, Komisiyo y’ububanyi n’amahanga ubutwererane n’umutekano mu mutwe w’abadepite yababajwe no kuba yaratumiye abayobozi b’amahuriro y’abamotari mu mujyi wa Kigali hakitaba abahagaritswe ku kazi.

Nyuma yo kubona uburemere bw’ibibazo biri mu makoperative y’abamotari mu Rwanda, abarebwa n’imikorere n’imibereho yabo barimo RURA, RCA, Police, FERWACOTAMO n’Umujyi wa Kigali bashyizeho itsinda rijya kugenzura imikorere y’amakoperative imwe ku yindi.

Umuyobozi w’impuzamahuriro y’amakoperative mu Rwanda Ntaganzwa Celestin yagarutse kuri bimwe mu bibazo bahasanze agira ati: “mu makoperative bagezeyo koperative ku yindi basanga hari umuyobozi wa koperative babaza igitabo cy’abanyamuryango akakibereka, akabereka komite zikorera muri koperative bamubaza konte ya Koperative bagasanga iherukaho amafaranga Koperative ishingwa, bati ayandi aca he? Ati ntayo, kandi si uko atabonekaga,…muri make koperative ni iya Perezida wa Koperative.

Muvunyi Augistin ushinzwe umutekano mu ihuriro ry’amakoperative na we ubwe yashimangiye ikibazo cy’imicungire mubi y’umutungo iterwa na ba Perezida b’amakoperative babika umutungo wa koperative bayoboye mu mifuka yabo aho kuyabika kuri konti za koperative.

Ati: “Icyagaragaye ni uko mu makoperative harimo imicungire mibi y’umutungo, kubona umuyobozi wa Koperative ubwe afata amafaranga umunyamuryango yatanze ya otorizasiyo akayashyira mu mufuka we, ubona umumotari asora amafaranga 300 wajya gukora igenzura ugasanga kuri konti hariho 2000 ni ibintu bibabaje."

Imwe mu myanzuro yari yafashwe n’iri tsinda ryakoze ubugenzuzi harimo no kwirukana ku kazi bamwe mu bayobozi b’amakoperative bagaragaje imicungire idahwitse y’umutungo. Aba barimo na Utazirubanda uhagarariye ihuriro ry’amakoperative y’abamotari mu karere ka Gasabo na Hakizimana Jean de Dieu wari uhagarariye akarere ka Nyarugenge nabo bari bitabiriye ubutumire bwa komisiyo y’ububanyi n’amahanga.

Gukurikirana aba bakozi ni ibintu byagombaga gukorwa na RCA nk’ikigo gishinzwe kureberera amakoperative.

Gusa uyu mwanzuro RCA ntiyigeze iwushyira mu bikorwa kuko no mu bitabye komisiyo uyu munsi harimo n’abagombaga kuba barirukanwe ku kazi kubera imikorere idahwitse yagaragarijwe muri raporo yatanzwe na rya tsinda.

Abayobozi n’abatanzweho raporo ibirukanisha bahuriye mu nteko ishinga amategeko bitana ba mwana.

Umuyobozi w’ihuriro ry’amakoperative mu karere ka Gasabo Utazirubanda Simeo na we uri ku bagombaga kuba barirukanwe yabwiye abadepite ko mu buyobozi harimo munyangire.

Ati: “Ikibazo cyakunze kuvugwa cya Ngarambe, mu by’ukuri mu kimotari cyacu abayobozi bacyo harimo na munyangire, munyangire irimo ha handi umuntu yumva ko njye niba nkuyobora, ndakwangisha runaka, na runaka.."

Utazirubanda yavuze ko n’imyanzuro abakoze igenzura batanze igaragaramo urwango, bityo ngo asanga abatangiwe raporo mbi bararenganyijwe.

Nyuma nibwo Muvunyi Augistin ushinzwe umutekano mu ihuriro ry’amakoperative yabwiye abagize komisiyo ko Utazirubanda na we ari mu bahagaritswe mu kazi.ibi ibintu byababaje Perezida wa Komisiyo y’ububanyi n’amahanga Hon Mutimura Zeno.

Yahise avuga ati: “Ni byiza ko iyo mubonye amakosa mugomba kuyagaragaza hakiri kare, niba koko Utazirubanda yarahagaritswe, akaba aje hano imbere yacu ahagarariye koperative za Gasabo agatangira no gukingira ikibaba Ngarambe tuzi na we muri Gasabo, ni agasuzuguro kuri twebwe, nibyo mbabwiye ko tutabyemera, nta kuntu ushobora kuza hano, baraguhagaritse, ngo uze gutanga ijambo, utandukire, usubize n’ibisubizo bitari ngombwa ko ubisubiza,njye ndagirango mbabwire ko ibi nabyo ari ibibazo tudashobora kwihanganira na rimwe”

RCA irabivugaho iki ?

Munanura Appolo uyobora ikigo cy’igihugu cy’amakoperative yavuze ko babasubije mu kazi abo bakozi nyuma yo kubona ko iobyavuye mu igenzura bibogamye.

Ati “Twebwe nka RCA hari ibyo twari twashyize mu bikorwa ariko turavuga ngo habeho kongera gusesengura no kongera kuganira n’aba bantu, turebe niba ibyo bavuga aribyo, habeho irindi sesengura, niyo mpamvu bakiri ku kazi, ni nayo mpamvu ari bo baje hano ni uko aribo bafite amakuru, isesengura ry’iyo raporo nirirangira tuzafata imyanzuro ntakuka, nanjye umbajije ngo iyo raporo yarakozwe neza sinavuga ngo yego, kuko nkeneye kongera kuyisesengura”

Abadepite batandukanye bahise bagaragaza kutanyurwa n’umwanzuro wa RCA wo gusubiza mu kazi abakozi bari bahagaritswe n’inzego zitandukanye basaba ko bitunganywa bigahabwa umurongo muzima.

Yisangize Inshuti.

Ibitekerezo 2

  1. ba onorable aho niho bashoboye kumenya RCA iyo abakozi babo bageze ahari ibyo bibazo bahita bahinduka abanyamuryango bagahita babona kucyacumi iyo bageze kumakoperative afite amasoko nabo bahita boherezayo ababahagarariye kugirango bajijishe ubundi ubuyobozi bwa coperative bugakora uko bubyumva bajye mumakoperative hafi yayose ibyo bibazo bazabisangayo

Tanga Igitekerezo