U Budage na Latvian byaciye agahigo kataracibwa n’ikindi gihugu ku isi

Ubushakashatsi bwagaragaje ko abagabo bo mu gihugu cy’u Budage n’abagore bo mu gihugu cya Latvian aribo barebare kurusha abandi bose mu bihugu bigize isi.

Muri ubu bushakashatsi bwagaragajhe ko ikigereranyo cy’umugabo muremure mu Budage aba afite metero 183 cm mu gihe ikigereranyo cy’umugore muremure muri Latvian aba afite metero 170 cm

Ubu bushakashatsi bwashyizwe hanze mu kinyamakuru eLife bwatangiye gukorwa guhera muri 1914 bukorerwa mu bihugu 187.

Ubu bushakashatsi bwagaragaje ko abagabo bo muri Iran n’abagore bo muri Korea y’Epfo bari bafite ubushobozi bwo kwiyongera ku burebure bwa cm 16 ku bagabo na cm 20 ku bagore.

Mu Bwongereza ho abagabo n’abagore bari bafite uburebure bujya kugera ku kigero kimwe kuko bose bagenda biyongeraho uburebure bugera kuri cm 11 aho abagabo mu Bwongereza bafite metero 178 cm z’uburebure naho abagore bakagira metero 164 cm.

Gusa ibi biratandukanye ku bagabo n’abagore bo muri Amerika uburebure bwabo bwagiye bwiyongera kuri cm 6 na cm 5 hagati ya 1960 na 1970.

Urebye mu myaka yashize Amerika yasubiye hasi kuko mu 1914 niyo yari ifite umugabo wa 3 muremure n’umugore wa 4 muremure ku isi yose, kuri uyu munsi bari ku mwanya wa 37 na 42.

Kuri iki gihe iyo urebye usanga uburebure bugenda bwiganza cyane mu bihugu by’i Burayi.

Abagabo bagufi cyane baboneka mu burasirazuba bwa Timor aho umuremure aba afite metero 160 cm naho abagore bagufi cyane ku isi baboneka muri Guatemala bakaba barahoranye uyu mwanya uhereye mu 1914.

Hagendewe ku bushakashatsi bwakozwe mu myaka yashize ikigereranyo cy’abagore bafite imyaka 18 bari bafite metero 140 cm kugeza nanubu iki kigereranyo ntikiragera no kuri 150 cm.

Mu burasirazuba bwa Aziya hagaragaye impinduka cyane kuko uburebure bwiyongereye mu bihugu nka u Buyapani, u Bushinwa na Koreya y’Epfo kuko ugereranyije n’imyaka 100 yashize hagiye haba impinduka ku baturage b’ibi bihugu mu bijyanye n’uburebure.

Bimwe mu bice by’isi abantu babo batagiye bagaragaza impinduka mu burebure mu gihe cy’imyaka 100 ni muri Aziya y’amajyepfo mu bihugu nka u Buhinde, Pakistan na Bangladesh ndetse no mu bihugu biri munsi y’ubutayu muri Afurika. Ubwiyongere bw’uburebure bwagiye buba hagati ya 1-6 cm nkuko byasobanuwe na James Bentham umwanditsi akaba n’umwarimu muri Kaminuza ya Imperial College London.

Mu bihugu byo munsi y’ubutayu bwa Sahara bigaragara ko ikigero cy’uburebure cyagiye kigabanuka uhereye muri 1970 aho ibihugu nka Uganda na Sioerra Leone aribyo byagize abagabo bagufi kurusha abandi.

Uku gutandukana ku burebure mu bihugu byose biterwa n’imiterere ariko ubushakashatsi bw’uyu mwanditsi bwagaragaje ko DNA itigaragaza nk’imwe mu mpamvu z’ubugufi bukabije.

Majid Ezzati ni umuhanga mu by’ubutabire muri Kaminuza ya Imperial yabwiye BBC dukesha iyi nkuru ko uku guhindagurika k’uburebure mu bihugu bitandukanye biterwa n’imiterere yaho bari, imibereho yabo ndetse n’imiterere y’imibiri yabo, akomeza vuga ko ubuzima bwiza, isuku n’imirire ari kimwe mu bintu bigira uruhare mu kugira uburebure buhagije gusa byose bigaterwa n’ubuzima bwiza n’imirire by’umubyeyi mu gihe atwite.

Ubundi bushakashatsi nanone bwagaragaje ko uburebure bugendana no kuba umuntu agaragaho ibyiza byinshi kuruta ibibi.

Abantu barebare bashobora kubaho igihe kirekire, harimo kuba bafite amahirwe menshi yo kutarwara indwara z’umutima, ku rundi ruhande na none hari ibindi bimenyetso bigaragaza ko bafite amahirwe menshi yo kwandura nka za Kanseri harimo kanseri z’amabere, kanseri y’inkondo y’umura n’izindi..

Yisangize Inshuti.

Ibitekerezo

Tanga Igitekerezo