Sezerera umunaniro ukabije ukurikiza izi nama

1

Abantu benshi muri iki gihe bahanganye n’ikibazo cyo kugira umunaniro ukabije ndetse kuri ubu wanabaye indwara ikomeye isigaye yica abatari bake biganjemo abafite imirimo isa naho ibarenze. Gusa iyi ndwara isa n’imaze kuba icyorezo ushobora kuyisezerera cyangwa ukagabanya ingaruka zayo ukurikiza izi nama.

1. Kurya Imbuto n’imboga

Nkuko imodoka ikenera amavuta kugirango ibashe kugenda ni na ko umubiri wacu ukenera ibiribwa n’ibinyobwa biwutera imbaraga kugirango ubashe gukora neza kandi bikawurinda guhora unaniwe. Muri ibyo biribwa rero harimo imboga amashu,courgette,epinards,n’ibihumyo kimwe n’imbuto burya bigabanya umunaniro.

2. Irinde kurya kenshi inyama zitukura

Irinde kurya cyane inyama zitukura inshuro nyinshi mu cyumweru ahubwo ubishoboye wajya urya ifi kuko ikungahaye cyane ku myungu ngugu (fer) na acides amines, ibi bikaba bifasha umubiri biwongerera imbaraga nabyo bigatuma uhangana n’ibitera umunaniro.

3. Irinde ibiryo birimo ibinure byinshi.

Irinde kurya ibiryo birimo ibinure byinshi kuko bituma umubiri ucika intege ugatangira kunanirwa ahubwo reba ubundi buryo wabiteka udakoresheje amavuta mesnhi cyangwa ukarya ibitogosheje.

4. Koresha Tangawize

Hari ibimera bimwe na bimwe tubona tukabyirengagiza ariko bimwe muri byo biba bifitiye akamaro gakomeye mu mubiri wacu.

Tangawize nubwo abantu benshi bakunda kuyinywa mu cyayi ariko ntibaba bazi akamaro ibafitiye ushobora no kuyifata ukayihata warangiza ukayikatamo uduce dutoya ugashyira mumazi ugategereza bikabira nyuma yiminota icumi ugafata ya mazi ukayanywa cyane cyane mu gitondo bituma umunsi wose wirirwa umeze neza bikakurinda umunaniro.

5. Gabanya kunywa inzoga n’itabi

Hari abantu bagira umuco wo kunywa inzoga nyinshi ndetse no kunywa itabi cyane, ibi rero biri mu bintu bitera umunaniro niba udasanzwe ubifata byirinde niba kandi usanzwe ubinywa gerageza ugabanye ingano y’ibyo wafataga gakegake bizageraho ubireke burundu.

6. Siporo

Jya ugerageza gukora imyitozo ngororamubiri nabyo bifasha umubiri gukora neza kandi ukaruhuka neza. Siporo ni ingenzi cyane ku bantu bose, gusa jya ukora izijyanye n’imbaraga zawe kuko siporo iyo zirengeje urugero na zo ubwazo zinaniza umubiri.

Yisangize Inshuti.

Ibitekerezo 1

Tanga Igitekerezo